Metfjöldi skiptinema við Háskólann á Bifröst

Metfjöldi skiptinema stundar nú nám við Háskólann á Bifröst en þessa vorönnina eru þeir 40 talsins frá 13 löndum. Flestir koma frá Þýskalandi, Frakklandi, Tékklandi, Rúmeníu og Ungverjalandi. Skiptinemarnir setja svip sinn á samfélagið með nærveru sinni og hópurinn í ár er bæði fljótur að aðlagast aðstæðum og að kynnast íslenskum samnemendum sínum.

Móttökukvöldverðurinn var haldinn þriðjudaginn 12. janúar sl. þar sem skiptinemarnir fengu tækifæri til að kynnast sínum „skiptinema-buddies“, en það eru íslenskir nemendur sem eru áhugasamir um að kynnast og veita skipinemunum leiðsögn um lífið á Bifröst og íslenska menningu. Nemendur Háskólans á Bifröst eiga hrós skilið fyrir hlýjar móttökur og þann áhuga sem þau sýna bæði nemendunum sjálfum og framandi menningu þeirra.

Myndir frá móttökukvöldverðinum má sjá hér.

Til baka