Kennsluráðgjafar á kennslusviði Háskólans á Bifröst

Háskólinn á Bifröst auglýsir lausar til umsóknar tvær stöður kennsluráðgjafa á kennslusviði. Um er að ræða fjölbreytt störf sem krefjast metnaðar og frumkvæðis. Kennsluráðgjafar munu halda áfram að þróa kennslu skólans, fylgjast með gæðum og veita kennurum stuðning og ráðgjöf. Háskólinn á Bifröst hefur kennt í fjarnámi nú í að verða 20 ár. Þetta er því spennandi tækifæri til að taka þátt í faglegri þróun kennslu í fjarnámi.

Helstu verkefni eru: 

• Þróunarvinna, námskeiðahald og kennslufræðileg ráðgjöf
• Fylgjast með gæðum fyrirlestra og öðru kennsluefni.
• Umsjón, eftirfylgni og birting námskeiðslýsinga og námskráa.
• Umsjón með Canvas, kennslukerfi skólans.
• Umsjón með lokaritgerðum.
• Aðkoma að uppsetningu og úrvinnslu kennslumats skólans.
• Skipulag vinnuhelga þar sem nemendur og kennarar hittast.
• Skipulagning námskeiðsframboðs í samstarfi við deildarforseta.

Menntunar og hæfniskröfur:

• Háskólapróf og réttindi til kennslu á grunn- eða framhaldsskólastigi.
• Kennslureynsla er æskileg. 
• Reynsla úr háskólaumhverfinu er æskileg.
• Framúrskarandi hæfni í mannlegum samskiptum og rík þjónustulund.
• Frumkvæði, sjálfstæði og nákvæmni í starfi.
• Góð tölvufærni.
• Góð íslensku -og enskukunnátta.

Nánari upplýsingar veitir Dagný Kristinsdóttir framkvæmdastjóri kennslu og þjónustu, kennslustjori@bifrost.is og í síma 433-3002. Umsókn skal fylgja ferilskrá, kynningarbréf, en einnig leyfisbréf kennara ef við á.

Umsóknir ber að senda á kennslustjori@bifrost.is

Umsóknarfrestur er til og með 15.apríl næstkomandi.

Til baka