Framkvæmdastjórn Háskólans á Bifröst, f.v. Halldóra Lóa Þorvaldsdóttir, Auðbjörg Jakobsdóttir, Hulda Dóra Styrmisdóttir, Lydía Geirsdóttir, Margrét Vagnsdóttir, Elín H. Jónsdóttir, Stefan Wendt, Margrét Jónsdóttir Njarðvík og Ólína Kjerúlf Þorvarðardóttir.

Háskólinn á Bifröst á Selfossi

Framkvæmdastjórn Háskólans á Bifröst lagði nýlega land undir fót og fundaði á Selfossi. Stór hluti nemenda við Háskólann á Bifröst, eða um 40%, er búsettur utan höfuðborgarsvæðisins og því er að mörgu leyti tilvalið að framkvæmdastjórnin spegli það með því að dreifa fundarsetum á milli landshluta. 

Háskólinn á Bifröst fékk fundaraðstöðu á Selfossi hjá Samtökum sunnlenskra sveitarfélaga. Megin umfjöllunarefni fundarins var endurskoðun á aðgerðaáætlun ársins 2023 ásamt lykilmælikvörðum háskólans, sem allar stefnur háskólans eru samkvæmt gæðakerfi hans í stöðugri endurskoðun og endurmati, svo að stefnumótunin þjóni háskólasamfélaginu sem skyldi.

Tekið var að vonum vel á móti framkvæmdastjórninni og fréttir fluttar af fundi hennar á Selfossi.

Sjá fréttina

Til baka