Guðmundar Sveinssonar minnst með bók

Nemandi minn…! Guðmundur Sveinsson skólastjóri á Bifröst 1955-1974, nefnist bók sem Hollvinasamtök Bifrastar hefur gefið út. Bókin er tileinkuð 100 ára minningu séra Guðmundar Sveinssonar sem tók við skólastjórn Samvinnuskólans þegar skólinn fluttist á Bifröst í landi Hreðavatns í Borgarfirði.

Í bókinni er að finna skólaslitaræður Guðmundar, grein eftir Guðmund úr árbók Nemendasambands Samvinnuskólans um upphaf skólastarfs á Bifröst og viðtöl frá 1988 við Guðmund og einnig við Guðlaugu Einarsdóttur konu hans.

Bókin er prýdd fjölda ljósmynda úr skólastarfi Samvinnuskólans og teikningum Harðar Haraldssonar sem birtust í Ecce Homo.

Bókin er ekki aðeins fengur fyrir alla Bifrestinga heldur einnig áhugafólk um skólasögu og sögu samvinnuhreyfingarinnar.

Í útgáfunefnd bókarinnar sátu Hrafn Magnússon, Reynir Ingibjartsson og Þórir Páll Guðjónsson.

Til baka