Glæsilegt kvöld í vændum

Undirbúningur fyrir hátíðarkvöldverðin er nú í hámarki, en grunnnemar koma saman til hátíðarbrigða annað kvöld í Kringlunni á Bifröst. Heiðursgestur kvöldsins er Aðalsteinn Leifsson, ríkissáttasemjari, en hann leysir af hólmi Davíð Helgason, sem forfallaðist óvænt.

Aðalsteinn Leifsson hefur gegnt embætti ríkissáttasemjara frá 1. apríl 2020. Hann þótti vel að embættisveitingunni kominn í ljósi víðtækrar þekkingar og reynslu á samningamálum, en auk fræðilegrar þekkingar hefur hann tekið þátt í samningaviðræðum, kennt samningatækni á háskólastigi og ráðlagt samnings- og deiluaðilum hvernig bæta megi samskipti meðan á samningaviðræðum stendur.

Aðalsteinn lauk MBA námi frá Edinburgh Business School / Herriot Watt University og MSc námi frá London School of Economics (LSE). Þá stundaði hann doktorsnám í samningatækni hjá Greneoble Ecole de Management samhliða vinnu á árunum 2016 til 2018.

Áður en Aðalsteinn tók við embætti ríkissáttasemjara leiddi hann daglegan rekstur EFTA, sem hefur starfstöðvar í Genf, Brussel og Luxemburg og tæplega eitt hundrað starfsmenn. Samhliða þvi starfi var Aðalsteinn jafnframt lektor við Háskólann í Reykjavík þar sem hann kenndi m.a. samningatækni og lausn deilumála.

Sem kunnugt er, gætu yfirstanandi kjaraviðræður hjá aðilum vinnumarkaðarins farið í hart, á sama tíma og vaxandi átök hafa verið að brjótast upp á yfirborðið innan verkalýðshreyfingarinnar. Staðan á vinnumarkaði er því að mörgu leyti óvenjuleg og áhugavert að fá ríkissáttasemjara í heimsókn á Bifröst við þessar aðstæður.

Glæsilegt kvöld í vændum

Algengar spurningar

Rafrænir reikningar

Upplýsingaveita nýnema

Endurmenntun

Hvers vegna að velja Bifröst?