Fyrirlestur Eiríks Bergmanns í Oxford háskóla

Eiríkur Bergmann, prófessor í stjórnmálafræði við Háskólann á Bifröst, hélt um liðna helgi erindi við Oxford háskóla í Bretlandi um þátttökulýðræði og tók hann sem dæmi íslenska stórnarskrárferlið. 

Í erindi sínu rakti Eiríkur ferlið sem fór í gang allt frá þjóðfundinum og fram að þjóðaratkvæðagreiðslunni um stjórnarskrárdrögin.

Ráðstefnan fjallaði um mögulegar endurbætur á (órituðu) bresku stjórnarskránni, í kjölfar Brexit.

Eiríkur var fenginn til þess að ræða þá þætti sem Bretar gætu mögulega lært af reynslu okkar Íslendinga og það hvort stjórnarskrárkrísa væri í uppsiglingu hjá Bretum. Hægt er að horfa á erindið hér.

Ráðstefnan sem bar heitið Remaking the UK Constitution var haldin í Mansfield College af Bonevero mannréttinda stofnuninni. Þar héldu erindi helstu fræðimenn heims á sviði stjórnarskrárgerðar og þátttökulýðræðis. Hægt er að kynna sér efni ráðstefnunnar og aðra fyrirlesara hér.

Til baka