Er umsóknarferlinu lokið? - Málfundur
Bréfsending utanríkisráðherra til Evrópusambandsins þess lútandi að ríkisstjórnin hafi ekki að í hyggju að ganga í ESB og vilji ekki teljast umsóknarríki, án þess þó að draga Evrópusambandsumsóknina til baka, hefur kallað fram áleitnar spurningar um stöðu Íslands í Evrópumálum.
Af því tilefni boðar Félagsvísindasvið Háskólans á Bifröst til málfundar um stöðu Íslands í Evrópumálum og um áhrifin á tengsl Íslands við Evrópusambandið og aðildarríki þess.
Dr. Eiríkur Bergmann, prófessor í stjórnmálafræði og forstöðumaður Evrópufræðaseturs hefur forsögu um stöðu Íslands í Evrópumálum eftir bréfsendinguna. Við erindi hans bregðast svo þeir Pawel Bartoszek, stærðfræðingur og Evrópusinni og Jón Bjarnason, formaður Heimssýnar.
Fundurinn fer fram á morgun þriðjudaginn 23. mars kl. 12.30, í Reykjavíkurskrifstofum Bifrastar að Hverfisgötu 4-6. Aðgangur er öllum opinn.
Smellið hér til að sjá Facebook viðburð
Hvers vegna að velja Bifröst?
- Í fararbroddi í fjarnámi
- Allt námsefni aðgengilegt á netinu þegar þér hentar
- Skólinn kemur til þín og mætir þínum þörfum
- Sterk tengsl við atvinnulífið
- Persónuleg þjónusta