Arnór Bragi Elvarsson ráðinn aðjúnkt við viðskiptadeild

Háskólinn á Bifröst hefur fengið góðan liðsauka. Arnór Bragi Elvarsson hefur verið ráðinn aðjúnkt við viðskiptadeild háskólans.  Hann mun sinna kennslu og rannsóknum við deildina á fagsviði verkefnastjórnunar.  Rannsóknir hans fjalla gjarnan um skipulag innviða og ákvarðanatöku tengdum stórum innviðaverkefnum með áherslu á samgöngukerfi.

Arnór hefur starfað við kennslu og rannsóknir við Svissneska Tækniháskólann, ETH Zürich undanfarin ár. Hann hefur starfað við verkfræðiráðgjöf á Íslandi og í Sviss og sinnt doktorsnámi við ETH Zürich.

Í frítíma sínum leitar Arnór og fjölskylda hans upp í fjöll. Á sumrin fara þau um fjallvegi á hjólum og skíða niður á veturna.

Við bjóðum Arnór velkominn til starfa við Háskólann á Bifröst. 

Til baka