Aldrei fleiri nýnemar hafið nám á vorönn 17. janúar 2020

Aldrei fleiri nýnemar hafið nám á vorönn

Nú um áramótin hefja yfir 70 nýnemar nám við Háskólann á Bifröst og hafa þeir aldrei verið fleiri. Þá barst einnig metfjöldi umsókna nú fyrir vorönn, en þær voru yfir 170 talsins. Nemendur við skólann eru þá orðnir vel á sjöunda hundrað en þeim hefur fjölgað statt og stöðugt síðastliðin tvö ár.

Segja má að þessir nýnemar komi að miklu leyti inn í nýjan skóla, miðað við fyrri nýnema, en miklar breytingar áttu sér stað á síðastliðnu ári. Skipt var um kennslu-, nemendaskrár-, og prófakerfi og er innleiðingu þeirra að mestu leyti lokið. Þá hafa verið gerðar miklar umbætur á húsnæði og aðstöðu skólans á Bifröst. Kennslustofur hafa verið uppfærðar og aðstaða nemenda til hópavinnu og afslöppunar einnig verið betrumbætt til muna.