BS nám í viðskiptafræði með áherslu á verslunarstjórnun er fyrir þá sem hafa áhuga á séræfðu viðskiptanámi í smásöluverslun og vilja auka við þekkingu sína, færni og leikni á því sviði.
Námið er sérstaklega sniðið fyrir þá sem starfa eða stefna að því að starfa að verslunarstjórnun. Sérhæfing námsins byggir á áföngum sem eru þróaðir með sérþarfir verslunarinnar í huga og með þátttöku lykilfyrirtækja í greininni. Kennarar eru sérfræðingar í sjálfbærni og með mikla reynslu.
Sérhæfing námsins kemur fram í eftirfarandi skyldunámskeiðum:
- Heildræn verslunarstjórnun
- Birgða-, vöru- og rekstrarstjórnun
- Þjónustustjórnun
- Hagnýt lögfræði
Framvinda og námslok
Grunnnám er 180 ECTS einingar og á Bifröst gefst nemendum kostur á að ljúka námi á tveimur og hálfu ári þar sem boðið er upp á nám á sumarönn. Nemendur geta dvalið eina önn í skiptinámi við erlendan samstarfsháskóla. Nemendur hafa kost á því að sækja um að dvelja 1-2 annir í skiptinámi við erlendan samstarfsskóla. Nemendum gefst einnig kostur á að taka starfsnám með náminu.
Inntökuskilyrði
Til að geta innritast í námið þurfa nemendur að hafa lokið stúdentsprófi eða sambærilegri menntun t.d. úr Háskólagátt Háskólans á Bifröst.
Námskrá
Námskrá inniheldur upplýsingar um skipulag náms, kennsluaðferðir og námskeiðslýsingar ásamt lýsingu á þeirri þekkingu, leikni og hæfni sem nemendur eiga að búa yfir að námi loknu. Jón Snorra Snorrason, dósent við viðskiptadeild, er fagstjóri BS náms með áherslu á verslunarstjórnun og veitir allar frekari upplýsingar.
Hér má finna skipulag námsins í kennsluskrá