BS nám með áherslu á verkefnastjórnun er sérhæft viðskiptafræðinám sem er sniðið að þörfum þeirra sem vilja auka við þekkingu sína, leikni og hæfni á því sviði.
Verkefnastjórnun er ein af átta mögulegum leiðum til sérhæfingar í námi, en hver nemandi getur valið um allt að tvö slík kjörsvið í BS námi sínu.
Gerðar eru meiri kröfur en áður um fagmennsku við að stýra og leiða fjölbreytt verkefni. Sérstaða námsins felst í námskeiðum sem nýtast þeim sem vilja ná betri árangri við að leiða og stýra hinum ýmsu verkefnum. Svokölluð misserisverkefni, einstök verkefni sem nemendur vinna saman sem teymi, nýtast sérstaklega vel í tengslum við BS námsáhersluna í verkefnastjórnun.
Sérhæfingin kemur fram í eftirfarandi skyldunámskeiðum:
- Grunnur í verkefnastjórnun
- Áhættustjórnun
- Breytingastjórnun
- Straumlínustjórnun
-
Nám í viðskiptafræði á Bifröst
Markmiðið með grunnnámi í viðskiptafræði við Háskólann á Bifröst er að gera nemendum kleift að nýta frumkvæði sitt og sjálfstæði til aukinna áhrifa og ábyrgðarstarfa.
Námið miðar að því að nemendur afli sér þekkingar og færni á sviði viðskipta auk þess að vinna að raunverulegum verkefnum. Fræðilegi hluti Þess felur í sér skilning á fræðilegri greiningu og kenningum og hæfni til að vinna með þær. Þverfagleg nálgun miðar svo að því að efla gagnrýna og skapandi hugsun, atvinnulífi og samfélagi til góða.
-
Umsóknarfrestur
Opið er fyrir umsóknir um nám við Háskólann á Bifröst vegna haustannar 2024 til og með 5. júní nk.
-
Inntökuskilyrði
Til að geta innritast í námið þurfa nemendur að hafa lokið stúdentsprófi eða sambærilegri menntun t.d. úr Háskólagátt Háskólans á Bifröst.
Forgangsröðun við inntöku nemenda ræðst af einkunnum.
