Ath. Ekki verður tekið inn í námið haustið 2025. Frá og með haustinu 2025 mun námslínan sameinast viðskiptafræði með áherslu á verslunarstjórnun undir nýrri námslínu stjórnun í verslun og þjónustu.
BS nám með áherslu á þjónustufræði er sérhæft viðskiptafræðinám, sniðið að þörfum þeirra sem vilja auka við þekkingu sína, leikni og hæfni á sviði þjónustufræðinnar.
Þjónustufræði er ein af átta mögulegum leiðum til sérhæfingar í viðskiptafræðináminu, en hver nemandi getur valið að hafa allt að tvær áherslur í BS námi sínu.
Háskólinn á Bifröst er eini háskóli landsins sem býður fram sérhæft nám í þjónustufræðum. Slíkt nám verður sífellt mikilvægara í markaðsumhverfi nútímans.
Sérhæfingin kemur fram í eftirfarandi skyldunámskeiðum:
- Gæðamál og þjónusta
- Þjónustustjórnun
- Markaðssamskipti og auglýsingastjórnun
- Gæðastjórnun og vottanir
-
Nám í viðskiptafræði við Háskólann Bifröst
Markmiðið með grunnnámi í viðskiptafræði við Háskólann Bifröst er að gera nemendum kleift að nýta frumkvæði sitt og sjálfstæði til aukinna áhrifa og ábyrgðarstarfa.
Fjarnámið miðar að því að nemendur afli sér þekkingar og færni á sviði viðskipta auk þess að vinna að raunverulegum verkefnum. Fræðilegi hluti Þess felur í sér skilning á fræðilegri greiningu og kenningum og hæfni til að vinna með þær. Þverfagleg nálgun miðar svo að því að efla gagnrýna og skapandi hugsun, atvinnulífi og samfélagi til góða.
-
Umsóknarfrestur
Opið er fyrir umsóknir vegna skólaársins 2025 - 2026. Umsóknarfrestur er til og með 5. júní.
-
Inntökuskilyrði
Til að geta innritast í námið þurfa nemendur að hafa lokið stúdentsprófi eða sambærilegri menntun t.d. úr Háskólagátt Háskólans á Bifröst.
Forgangsröðun við inntöku nemenda ræðst af einkunnum.
-
Fyrirkomulag kennslunnar
Við Háskólann á Bifröst er áhersla lögð á persónulega þjónustu til nemenda. Ánægjukannanir sýna að mikill meirihluti nemenda er afar ánægður með námið og samskipti við kennara og starfsfólk.
Hverri önn við Háskólann á Bifröst er skipt upp í tvær lotur. Verkefnavinna er stór þáttur í námsmati háskólans og vinna nemendur að verkefnum jafnt og þétt yfir lotur skólaársins.
Sjö vikur eru í hvorri lotu og ein staðlota, þar sem nemendur hitta kennara og samnemendur og taka þátt í umræðum og hópverkefnum. Önnur sérstaða í kennsluháttum Háskólans á Bifröst er misserisverkefni eða missó, eins og verkefnið er gjarnan nefnt. Missó tekur mið af á kennsluaðferð sem kallast lærdómsþróun (e. learning by developing) og miðar að því að auka hæfni nemenda fyrir vinnumarkað að námi loknu. Nánar um námið á Bifröst
-
Framvinda og námslok
Grunnnám við Háskólann á Bifröst er 180 ECTS fjarnám og geta nemendur að verulegu leyti ráðið námshraða sínum.
Jafnframt gefst kostur á því að ljúka flestu grunnnámi á tveimur og hálfu ári. Sumarönn er kennd við Háskólann á Bifröst og nemdur geta því lokið 80 ECTS einingum á ári í stað 60. Námskeiðum má þannig að mestu leyti ljúka á fyrstu tveimur námsárunum. Á þriðja ári gera nemendur svo lokaverkefni auk þess að ljúka einingum sem kunna að vera eftir vegna starfsþjálfunar eða valnámskeiða.
-
Lærðu heima
Háskólinn á Bifröst er í fararbroddi í fjarnámi, sem gerir þér kleift að vera í námi á þínum forsendum. Áhersla er lögð á einstaklingsbundna nálgun og námsumhverfi er stafrænt og sveigjanlegt. Stafrænt fjarnám er þannig frábær valkostur fyrir fólk sem hentar að vera í sveigjanlegu háskólanámi, vegna vinnu með námi eða af einhverjum allt öðrum ástæðum.
-
Inntökuskilyrði
Til að geta innritast í námið þurfa nemendur að hafa lokið stúdentsprófi með þriðja hæfniþrepi í stærðfræði eða sambærilegri menntun t.d. úr Háskólagátt Háskólans á Bifröst. Ef lengra en fimm ár eru síðan nemendur luku þriðja hæfniþrepi er mælt með að þeir skrái sig í fornámskeið. Þeir sem ekki hafa lokið þriðja hæfniþrepi þurfa að ljúka fornámskeiði í stærðfræði áður en þeir hefja nám við deildina.
Fornámskeið í stærðfræði er boði í ágústmánuði og lýkur áður en kennsla hefst á haustönn.
Forgangsröðun við inntöku nemenda ræðst af einkunnum.