BS nám með áherslu á sjálfbærnistjórnun er sérhæft viðskiptafræðinám, sniðið að þörfum þeirra sem vilja auka við þekkingu sína, leikni og hæfni í sjálfbærni.
Sjálfbærnistjórnun er eitt af átta kjörsviðum, en hver nemandi getur valið af hafa allt að tvær áherslur í BS námi sínu.
Námið er ætlað þeim sem starfa eða stefna að því að starfa að sjálfbærni fyrirtækja, stofnana eða annarra skipulagsheilda. Áhersla er lögð á umhverfislega, félagslega og eftirlitstengda þætti í fyrirtækjarekstri ásamt tilheyrandi matsgerð.
Þá er sérstaklega lögð áhersla á að nemendur öðlist reynslu og hæfni til þess að nýta þekkingu sína á hagnýtan hátt. Kennarar eru sérfræðingar í sjálfbærni fyrirtækja og stofnana og með mikla reynslu á því sviði.
Sérhæfing kemur fram í eftirfarandi skyldunámskeiðum:
- UFS mælingar og skýrslur
- Auðlinda- og umhverfishagfræði
- Áhætta og loftslagsbreytingar
- Stjórnarhættir fyrirtækja
-
Nám í viðskiptafræði á Bifröst
Markmiðið með grunnnámi í viðskiptafræði við Háskólann á Bifröst er að gera nemendum kleift að nýta frumkvæði sitt og sjálfstæði til aukinna áhrifa og ábyrgðarstarfa.
Námið miðar að því að nemendur afli sér þekkingar og færni á sviði viðskipta auk þess að vinna að raunverulegum verkefnum. Fræðilegi hluti Þess felur í sér skilning á fræðilegri greiningu og kenningum og hæfni til að vinna með þær. Þverfagleg nálgun miðar svo að því að efla gagnrýna og skapandi hugsun, atvinnulífi og samfélagi til góða.
-
Umsóknarfrestur
Opið er fyrir umsóknir um nám við Háskólann á Bifröst vegna haustannar 2024 til og með 5. júní nk.
-
Inntökuskilyrði
Til að geta innritast í námið þurfa nemendur að hafa lokið stúdentsprófi eða sambærilegri menntun t.d. úr Háskólagátt Háskólans á Bifröst.
Forgangsröðun við inntöku nemenda ræðst af einkunnum.