Miðlun: Áhrif félags og fjölmiðla

Markmið námskeiðsins er að nemendur öðlist staðgóða þekkingu á helstu kenningum um áhrif fjölmiðla og samfélagsmiðla, t.d. á hugtökum eins og innrömmun og dagskrárvaldi, og að þeir skilji af hverju framsetning frétta skiptir máli, hvaða áhrif falsfréttir geti haft og hvernig samfélagsmiðlar séu hinir nýju hliðverðir. Sérstök áhersla er lögð á samspil fjölmiðla, samskiptamiðla og stjórnmála í kosningum, og fjallað er um nýjustu þekkingu á því sviði. Farið verður jafnframt ítarlega yfir áhrif auglýsinga, t.d. hvaða þættir auki eða dragi úr áhrifum þeirra, en ekki síst er rætt í námskeiðinu um óbeinar auglýsingar og áhrif svokallaðra
áhrifavalda á samskiptamiðlum.

Fyrir hverja, þátttökugjald, forkröfur og einingar

Námskeiðið er fyrir þá sem vilja öðlast aukinn skilning á áhrifum fjölmiðla og samfélagsmiðla

Þátttökugjald er 164.000 kr.

Gerð er krafa um stúdentspróf eða sambærileg menntun, t.d. úr Háskólagátt Háskólans á Bifröst.

Námskeiðið veitir 6 ECTS einingar á grunnnámsstigi.

Fyrirkomulag

Námskeiðið er kennt í fjarnámi. Námskeiðið stendur yfir í sex vikur auk þess sem ein vika er til viðbótar fyrir námsmat. Kennsla hefst 16. október 2023 og stendur til 23. nóvember 2023. Námsmat fer fram dagana 27. nóvember – 1. desember.    

Kennari

Kennari námskeiðsins er Guðbjörg Hildur Kolbeins, stundakennari við Háskólann á Bifröst

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 2. október 2023. 

Vinsamlegast láttu fylgja gögn í viðhengi sem sýna að þú uppfyllir aðgangsviðmið. 

Allar nánari upplýsingar eru veittar á netfanginu endurmenntun@bifrost.is

Hér má sjá nánari upplýsingar um Endurmenntun til eininga við Háskólann á Bifröst

 

Skráning

---

Skrá mig

Smelltu á hnappinn til að sæka um námskeið í Endurmenntun Háskólans á Bifröst.

Svona skráir þú þig á námskeið:

1. Fylla þarf út umsóknareyðublað í umsóknargáttinni.
2. Ef þú skráir þig í námskeið með aðgangsviðmið, þarftu að bíða eftir að samþykki berist með tölvupósti.
3. Til að ljúka við skráningu þarf að ganga frá greiðslu í umsóknargátt og sækja um notendanafn fyrir innra kennslukerfi Háskólans á Bifröst, Uglu https://ugla.bifrost.is. Þar birtast allar upplýsingar um námskeiðið.

Nánari upplýsingar eru veittar á endurmenntun@bifrost.is eða í síma 433 3000.