Efnahagssamruni Evrópu
Í námskeiðinu er efnahags- og stjórnmálasamstarf Evrópuþjóða tekið til skoðunar. Fjallað erum sögulega þróun samstarfsins og helstu stefnumál Evrópusambandsins svo sem tollabandalagið innri markaðinn og tilkomu Efnahags- og myntbandalags Evrópu. Þá er rættum stofnanalega uppbyggingu ESB og það reglugerðaverk sem samstarfið hvílir á. Loks er að koma Íslands að efnahagssamvinnu Evrópu greind í gegnum EFTA-samstarfið og EES samninginn auk þess sem fjallað verður um yfirstandandi aðildarsamninga við Evrópusambandið.
Námskeiðið er fyrir þá sem hafa áhuga á stjórnmálum. Þátttökugjald er kr. 156.000.
Gerð er krafa um stúdentspróf eða sambærileg menntun, t.d. úr Háskólagátt Háskólans á Bifröst.
Námskeiðið veitir 6 ECTS einingar á grunnnámsstigi.
Fyrirkomulag
Námskeiðið er kennt í lotubundnu fjarnámi. Námskeiðið stendur yfir í sjö vikur og nemendur mæta í eina vinnustofu á Bifröst. Kennsla hefst 22. ágúst 2022 og stendur til 30. september 2022. Um fjögurra stunda vinnustofa á Bifröst verður á tímabilinu 8.-11. September, en nánari tímasetning er kynnt í námskeiðinu. Námsmat fer fram dagana 3.-7. október.
Farið verður í námsferð til Brüssel dagana 28. september til 1. október þar sem stofnanir Evrópusambandsins verða heimsóttar. Verð og fyrirkomulag námsferðar verða betur kynntar í námskeiðinu.
Kennari
Kennari námskeiðsins er dr. Magnús Árni Skjöld. Magnús er dósent við Háskólann á Bifröst. Hann hefur starfað sem pólitískur ráðgjafi fyrir borgaralegan sendifulltrúa NATO í Afganistan, sem rektor og aðstoðarrektor Háskólans á Bifröst, forstöðumaður Félagsvísindastofnunar Háskóla Íslands og sem ráðgjafi og partner hjá Capacent. Magnús sat á Alþingi sem 15. þingmaður Reykvíkinga 1998-1999. Hann er með doktorspróf í stjórnmálafræði frá Háskóla Íslands, MPhil gráðu í Evrópufræði frá Cambridge háskóla í Englandi, MA gráðu í alþjóða- og þróunarhagfræði frá University of San Francisco í Bandaríkjunum og hefur lokið MMus námi í tónsmíðum við Listaháskóla Íslands.
Styrkir
Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.
Umsóknarfrestur
Umsóknarfrestur er til 5. ágúst 2022.
Allar nánari upplýsingar eru veittar á netfanginu endurmenntun@bifrost.is.