Menning, markaður og miðlun

Í námskeiðinu verður fjallað um hvernig kröfur um markaðsvæðingu og lýðræðisvæðingu hefur umbreytt framleiðslu, miðlun og markaðsetningu menningarefnis. Skoðað verður hvaðan þessar kröfur koma útfrá sögu- og fræðilegu samhengi, sem verður síðar nýtt til að greina hvað viðheldur þeim í íslensku menningarumhverfi.

Rýnt verður í hvernig framleiðsla og framsetning menningarefnis felur í sér samþættingu ólíkra viðhorfa og áskoranna með tilliti til tjáningarfrelsis, aðgengis, fjölbreytileika og sjálfbærni.

Litið verður á hvernig vægi viðtakenda (áhorfendur, gestir, neytendur/njótendur, þátttakendur) hefur aukist í menningarstjórnun og hvaða aðferðir, tól og tæki eru til staðar fyrir miðlun og markaðssetningu menningar.

Sjá nánar í kennsluskrá

Fyrir hverja, þátttökugjald, forkröfur og einingar

Námskeiðið er fyrir þá sem hafa áhuga á miðlun og markaðssetningu menningar.

Þátttökugjald er 75.000 kr.

Þátttakendur þurfa að hafa lokið grunnnámi á háskólastigi

Námskeiðið veitir 6 ECTS einingar á meistaranámsstigi.

Fyrirkomulag

Námskeiðið er kennt í fjarnámi. Námskeiðið stendur yfir í sex vikur auk þess sem ein vika er til viðbótar fyrir námsmat. Kennsla hefst 13. október 2025 og stendur til 1.desember 2025. Staðlota er helgina 30. október - 2. nóvember. Námsmatsvika fer fram vikuna 24. - 30. nóvember.

Kennari

Kennari námskeiðsins er Bergsveinn Þórsson

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 8. október.

Upplýsingar eru veittar á netfanginu endurmenntun@bifrost.is

Hér má sjá nánari upplýsingar um Endurmenntun til eininga við Háskólann á Bifröst