Græn stjórnsýsla

Aðgerðir í umhverfismálum eru aðkallandi og hið opinbera hefur lykilhlutverki að gegna á þeim vettvangi hvort sem um ræðir innan stjórnsýslu ríkis og/eða sveitarfélaga. Í þessu námskeiði munu nemendur öðlast þekkingu á skipulagi og stefnumörkun hins opinbera þegar það kemur að loftlagsmálum, náttúruvernd og nýtingu, sjálfbærri þróun og markmiðum um kolefnahlutlaust Ísland.

Sjá nánar í kennsluskrá

Fyrir hverja, þátttökugjald, forkröfur og einingar

Námskeiðið hentar þeim sem vilja dýpka skilning sinn á hugtökum á borð við sjálfbæra þróun eða hringrásarhagkerfi - og hvernig stefna hins opinbera í umhverfismálum er mótuð.

Þátttökugjald er 75.000 kr.

Gerð er krafa um stúdentspróf eða sambærilega menntun, t.d. úr Háskólagátt Háskólans á Bifröst.

Námskeiðið veitir 6 ECTS einingar á grunnnámsstigi.

Fyrirkomulag

Námskeiðið er kennt í fjarnámi. Námskeiðið stendur yfir í sex vikur auk þess sem ein vika er til viðbótar fyrir námsmat. Kennsla hefst 18. ágúst og stendur yfir til 4. október 2025. Námsmat fer fram dagana 28. september - 4. október. Staðlota er í Borgarfirði dagana 4. - 7. september 2025.

Kennarar

Kennari námskeiðsins er Bergsveinn Þórsson, dósent við Háskólann á Bifröst. Sérsvið Bergsveins eru umhverfishugvísindi, loftslagsmiðlun og aðgerðir, sjálfbærni og sjálfbær þróun, framtíðarfræði, safnafræði, menningarstofnanir og menningar- og náttúruarfur.

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 14. ágúst 2024.

Allar nánari upplýsingar eru veittar á netfanginu endurmenntun@bifrost.is

Hér má sjá nánari upplýsingar um Endurmenntun til eininga við Háskólann á Bifröst