Lestur og greining ársreikninga

Námskeiðið snýst um að útskýra í einföldu og stuttu máli hvað ársreikningar fyrirtækja eru, hvernig þeir eru uppbyggðir og hvaða upplýsingar þeir geyma. Gerð er greining á rekstri og fjárhag fyrirtækja með fjárhagskennitölum. Tekin verða raundæmi úr ársreikningum íslenskra félaga og hvað þessir reikningar segja okkur og ekki síst hvað þeir segja okkur ekki.
Í námskeiðinu verða grunnhugtök og forsendur ársreikninga kynnt. Uppbygging á ársreikningi er skoðuð og hvernig hún myndar eina heild, þ.e. efnahagsreikningur, rekstrarreikningur, sjóðsstreymi, áritun endurskoðenda og skýrsla stjórnar.

Markmið námskeiðsins er að þátttakendur geti:

Lesið ársreikning og að gera sér grein fyrir stöðu félags og árangri í rekstri

Borið saman félög og greint hvenær félög eru ekki sambærileg.

Geti gert sjálfstætt mat á ársreikningum, kunni að lesa þá og skýra innihald þeirra.

Geti reiknað helstu kennitölur og fjárhagsupplýsingar.

Geti túlkað og lagt mat á innihald ársreiknings hvað varðar rekstur og efnahag.

Fyrir hverja, þátttökugjald, fyrirkomulag og umsóknir

Námskeiðið er fyrir alla sem hafa áhuga á ársreikningum en teja sig skorta fjármálabakgrunn en vilja læra að lesa og skilja ársreikninga. Einnig fyrir þá þá sem vilja geta greint helstu stærðir í ársreikningum og fengið hagnýta yfirferð til að vera virkari þátttakendur í umræðum um uppgjör skipulagsheilda t.d. á aðalfundum þ.m.t. þeir sem eru nú þegar í rekstri en vilja taka virkari þátt í fjármálahluta rekstrarins.

Þátttökugjald er 29.900 kr.

Fyrirkomulag

Námskeiðið er kennt í fjarnámi og fer fram á Teams. Kennt er í tvö skipti, dagana 11. og 13. nóvember frá kl. 17:00-19:00.

Kennari

Kennari námskeiðsins er Jón Snorri Snorrason, prófessor við viðskiptadeild Háskólans á Bifröst.

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 6. nóvember 2025.