Sviðsmyndir og framtíðarfræði

Námskeiðið er meistaranámskeið í sviðsmyndum og framtíðarfræðum og er ætlað að kynna helstu hugtök og aðferðir framtíðarfræða í tengslum við ólík svið stjórnunar. Lögð verður áhersla á hlutverk framtíðarfræða í tengslum við stefnumótun og nýsköpun almennt. Jafnframt verður fjallað um hagnýt hlutverk framtíðarfræða í tengslum við samfélagsbreytingar og þá ekki síst í sambandi við innleiðingu og framkvæmd Heimsmarkmiða Sameinuðu þjóðanna. Fjallað verður um vöktun á drifkröftum og tækifæri og ógnanir er tengjast hverskyns áföllum og straumhvörfum samfélaga. Lögð verður áhersla á sviðsmyndagreiningu en jafnframt aðrar aðferðir kynntar.

Fyrir hverja, þátttökugjald, forkröfur og einingar

Námskeiðið er fyrir þá sem vilja læra að nýta aðferðir framtíðafræða og sviðsmyndagerðar í stjórnun og stefnumótun

Þátttökugjald er 149.000 kr.

Gerð er krafa um að hafa lokið háskólanámi á grunnnámsstigi.

Námskeiðið veitir 6 ECTS einingar á meistarastigi.

Fyrirkomulag

Námskeiðið er kennt í lotubundnu fjarnámi. Námskeiðið stendur yfir í sex vikur. Kennsla hefst 25. apríl 2023 og stendur til 31. maí 2023. Ein fjögurra stunda vinnustofa verða haldin á Bifröst helgina 6.-7. maí en nánari tímasetning er kynnt í námskeiðinu.

Kennarar

Kennarar námskeiðsins eru Karl Guðmundur Friðriksson og Sævar Kristinsson

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi

Umsóknarfrestur

Umsóknarfrestur er til 11. apríl.

Allar nánari upplýsingar eru veittar á netfanginu endurmenntun@bifrost.is.