Samninga- og sölutækni
Í dag er nauðsynlegt að geta tileinkað sér faglega samninga- og sölutækni því um er að ræða einn af þeim lykilþáttum sem hjálpa fólki til að ná hámarksárangri, bæði í starfi og í einkalífi.
Þetta námskeið fjallar um lykilatriði árangursríkrar samningamennsku og sölustjórnunar. Með lestri, verkefnum, æfingum og fyrirlestrum munu nemendur afla sér þekkingar og þróa færni sína á sviði samningatækni. Á námskeiðinu er lögð áhersla á bæði fræðilega umfjöllun og hagnýta hluti. Þannig fá nemendur tækifæri til að tileinka sér faglega samningatækni og tengja við sölustjórnun á hagnýtan hátt.
Fyrir hverja, þátttökugjald, umsóknir, forkröfur og einingar
Námskeiðið er fyrir þá sem vilja ná góðum tökum á faglegri samningatækni.
Þátttökugjald er 164.000 kr.
Gerð er krafa um stúdentspróf eða sambærilega menntun, t.d. úr Háskólagátt Háskólans á Bifröst
Námskeiðið veitir 6 ECTS einingar á grunnnámsstigi.
Fyrirkomulag
Námskeiðið er kennt í lotubundnu fjarnámi. Námskeiðið stendur yfir í sex vikur og kennsla hefst 27. maí og stendur til 5. júlí.
Kennari
Kennari námskeiðsins er Brynjar Þór Þorsteinsson.
Styrkir
Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.
Umsóknarfrestur
Umsóknarfrestur er til 13. maí.
Allar nánari upplýsingar eru veittar á netfanginu endurmenntun@bifrost.is.
Hér má sjá nánari upplýsingar um Endurmenntun til eininga við Háskólann á Bifröst
Skráning
Skrá mig
Smelltu á hnappinn til að sæka um námskeið í Endurmenntun Háskólans á Bifröst.
Svona skráir þú þig á námskeið:
- Fylla þarf út umsóknareyðublað í umsóknargáttinni.
- Ef þú skráir þig í námskeið með aðgangsviðmið, þarftu að bíða eftir að samþykki berist með tölvupósti.
- Til að ljúka við skráningu þarf að ganga frá greiðslu í umsóknargátt og sækja um notendanafn fyrir innra kennslukerfi Háskólans á Bifröst, Uglu https://ugla.bifrost.is. Þar birtast allar upplýsingar um námskeiðið.
Nánari upplýsingar eru veittar á endurmenntun@bifrost.is eða í síma 433 3000.