Þjálfun og þróun
Í námskeiðinu er byggð upp þekking þátttakenda á ýmsum ferlum og aðferðum sem notuð eru í fyrirtækjum og stofnunum til að þjálfa og þróa mannauðinn. Farið er ítarlega yfir helstu þætti stefnumiðaðrar stjórnunar fræðslumála, s.s. þarfagreiningu, hönnun náms, framkvæmd og innleiðingu og mat á árangri fræðslu. Þá eru helstu hugtök og kenningar um nám og lærdóm kynnt og m.a. fjallað um ólíkar aðferðir og tækni sem beita má og komið inn á móttöku nýliða, stjórnendaþjálfun og fullorðinsfræðslu.
Fyrir hverja, þátttökugjald, umsóknir, forkröfur og einingar
Námskeiðið er fyrir þá sem vilja öðlast innsýn og skilning á því hvernig hafa má áhrif á uppbyggingu þekkingar, færni og á framgang mannauðs í fyrirtækjum og stofnunum.
Þátttökugjald er kr. 141.966. Tekið er við umsóknum á umsóknarvef háskólans.
Gerð er krafa um grunnnám á háskólastigi.
Námskeiðið veitir 6 ECTS einingar á meistarastigi.
Námskeiðslýsing
Námskeiðið er kennt í lotubundnu fjarnámi. Námskeiðið stendur yfir í sjö vikur, þar af sex kennsluvikur og eina námsmatsviku. Nemendur mæta í eina vinnustofu á Bifröst. Kennsla hefst 4. janúar 2022 og stendur til 18. febrúar 2022. Vinnustofa á Bifröst verður helgina 27. – 30. janúar.
Kennari
Kennari námskeiðsins er Arney Einarsdóttir, dósent við Háskólann á Bifröst.
Styrkir
Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.
Umsóknarfrestur
Umsóknarfrestur er til 10. desember 2021.
Allar nánari upplýsingar eru veittar á netfanginu endurmenntun@bifrost.is.