UFS mælingar og skýrslur

Fyrirtæki, opinber stjórnsýsla og aðrar stofnanir þurfa áreiðanlegar upplýsingar um umhverfis- og félagslega þætti ásamt stjórnarháttum (UFS) til að geta stýrt sjálfbærnitengdum þáttum og verða sjálfbærari. Á sama hátt krefjast hagsmunaaðilar eins og eigendur, viðskiptavinir og aðrir UFS-upplýsinga fyrir ákvarðanatöku sína. Tilgangur námskeiðsins er að kynna nemendum UFS-mælingar og skýrslugerð. Á námskeiðinu verður farið yfir helstu flokka umhverfis- og félagslegra þátta ásamt stjórnarháttum sem þarf að mæla, hvernig á að mæla þá og hvernig á að tilkynna þá. Nemendur þróa djúpstæðan skilning á áskorunum UFS mælinga og skýrslugerðar, takmörkunum UFS mælinga og hvernig á að túlka niðurstöður mælinga á gagnrýninn hátt.

Sjá nánar í kennsluskrá

Fyrir hverja, þátttökugjald, forkröfur og einingar

Námskeiðið er fyrir þá sem vilja kynna sér UFS-mælingar og skýrslugerð.

Þátttökugjald er 75.000 kr.

Gerð er krafa um stúdentspróf eða sambærileg menntun, t.d. úr Háskólagátt Háskólans á Bifröst.

Námskeiðið veitir 6 ECTS einingar á grunnnámsstigi.

Fyrirkomulag

Námskeiðið er kennt í fjarnámi. Námskeiðið stendur yfir í sex vikur auk þess sem ein vika er til viðbótar fyrir námsmat. Kennsla hefst 18. ágúst og stendur yfir til 4. október 2025. Námsmat fer fram dagana 28. september - 4. október. Staðlota er í Borgarfirði dagana 4. - 7. september 2025.

Kennari

Kennari námskeiðsins er Björg Jónsdóttir.

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 14. ágúst 2025.

Vinsamlegast láttu fylgja gögn í viðhengi sem sýna að þú uppfyllir aðgangsviðmið.

Allar nánari upplýsingar eru veittar á netfanginu endurmenntun@bifrost.is