Stafræn fatahönnun

Markmið námsins er að nemendur geti nýtt aðferðir stafrænnar fatahönnunar til að koma hugmyndum sínum um tísku í framkvæmd. Þeir læra um hönnun, stafræna sníðagerð, undirbúning fyrir framleiðslu og stíliseringu. Að loknu námi hafa nemendur góðan grunn í fatahönnunar aðferðum með stafrænni tækni.

Þeir sem ættu að hafa áhuga á námskeiði eins og þessu eru t.d útskrifaðar fatahönnuðir, bæði þeir sem eru á vinnumarkaði og þeir sem vilja endurmenntun til að styrkja stöðu sína á atvinnumarkaði. Námið gæti einnig höfðað til klæðskera sem eru í námi og vilja tileinka sér nýjustu aðferðir. Eins þeir sem hafa lokið námi í framhaldsskóla úr fatahönnun, tölvuleikjagerð, iðnnámi eða listnámi og huga að frekara hönnunarnámi. Boðið verður tveggja klukkustunda Teams fund einu sinni í viku þar sem stjórnandi námsleiðarinnar leiðbeinir nemendum og aðstoðar í verkefnum.

Stjórnandi námsleiðarinnar er Björg Ingadóttir hjá Spaksmannspjörum, einn fremsti fatahönnuður hér á landi.

Fyrirkomulag

Námskeiðin eru kennd í lotubundnu fjarnámi. Hvert námskeið stendur yfir í sex vikur auk námsmatsviku. Boðið verður tveggja klukkustunda Teams fund einu sinni í viku þar sem stjórnandi námsleiðarinnar leiðbeinir nemendum og aðstoðar í verkefnum.

Dagsetningar námskeiða:

24. ágúst til 10. október 2026 Grunnnámskeið í stafrænni fatahönnun	19. október til 8. desember 2026 Hönnun og frumgerðir
4. janúar til 20. febrúar 2027 Undirbúningur fyrir framleiðslu	22. febrúar til 17. apríl 2027 Stílfærsla á stafrænum fatnaði og fagurfræðileg kynning

Sjá frekari upplýsingar og kynningarmyndbönd hér.

Fyrir hverja, þátttökugjald og aðgangsviðmið

Námskeiðin nýtast til dæmis útskrifuðum fatahönnuðum, klæðskerum, fólki sem hefur lokið námi í tölvuleikjagerð og öðrum sem vilja kynna sér aðferðir stafrænnar fatahönnunar.

Þátttökugjald er 490.000 kr.

Þátttakendur þurfa að kaupa sér aðgang að forritinu Clo3d: CLO | 3D Fashion Design Software

Að loknu námi

Nemandi sem lýkur náminu fær staðfestingu á námslokum. Námsleiðin leiðir ekki að prófgráðu.

Kennari

Kennari námskeiðanna er Björg Ingadóttir.

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 9. ágúst 2026

Athugið að lágmarksþátttökufjöldi þarf að nást til að námið hefjist.

Frekari upplýsingar um námsleiðina og næstu námskeið hjá endurmenntun@bifrost.is.