Soffía Eydís Björgvinsdóttir

stundakennari

Soffía Eydís Björgvinsdóttir

Starfsheiti: Stundakennari
Netfang: soffia hjá bifrost.is
Sími: 545 6000
Farsími: 692 6670

Soffía er lögfræðingur og eigandi hjá KPMG ehf. síðan 2010. Soffía gekk til liðs við KPMG í október 2003 og hefur sinnt verkefnum á sviði skattaréttar, stjórnsýsluréttar og fyrirtækjalögfræði. Hún hefur stýrt skattalegum og lögfræðilegum áreiðanleikakönnunum á margvíslegum fyrirtækjum m.a. fasteignafélögum, olíufélögum, bifreiðaumboðum og tryggingarfélögum. Hún hefur einnig sinnt ráðgjöf til sveitarfélaga og fjármálafyrirtækja auk almennrar lögfræðiráðgjafar á ýmsum sviðum.

Soffía var áður verkefnastjóri hjá Skattstjóranum í Reykjavík og síðar deildarstjóri hjá Skattstjóranum í Reykjanesumdæmi. Hún hefur mikla reynslu af kennslu á háskólastigi og hefur verið stundakennari við  Háskólann í Reykjavík og Háskólann á Bifröst og leiðbeinandi við ritun BS, MA og ML ritgerða á sviði skattaréttar.

Hún var skipuð formaður bráðabirgðastjórnar og síðar slitastjórnar Sparisjóðsins í Keflavík árið 2010. Hún hefur einnig sinnt ýmsum verkefnum fyrir stjórnvöld og stýrði m.a. Verkefnastjórn um framtíðarskipan húsnæðismála sem starfaði á vegum Velferðarráðuneytisins frá september 2013 – til maí 2014.

Soffía hefur sinnt störfum í kjörstjórn síðan 2010 og verið oddviti yfirkjörstjórnar á Álftanesi og síðar í hverfiskjörstjórn Garðabæjar.

1997 Cand. Jur. frá Háskóla Íslands.

2004 Héraðsdómslögmaður (hdl.)

2013 Diplóma í Evrópufræðum frá Háskóla Íslands

Stundakennsla í skattarétti og skattskilum við Háskólann á Bifröst og Háskólann í Reykjavík allt frá árinu 2004.