Herferðir og kosningabarátta

Herferðir og kosningabarátta

Þessu námskeiði er ætlað að gefa nemendum innsýn í skipulagningu herferða og kosningabarátta. Sérstök áhersla verður á herferðir sem snúa að því að hafa áhrif á skoðanir almennings sem og pólitískar herferðir, innlendar og erlendar.

Farið verður yfir skipulagningu og undirbúning herferða.  Hvernig best er að nýta helstu miðla til að koma upplýsingum til almennings með góðum árangri, eigin miðla, samfélagsmiðla kostaða miðla og fjölmiðla. Einnig verður farið yfir meginþætti þess að velja sér markhóp og greina hann og móta kjarnaskilaboðum til þeirra líklegastir eru að fylkja sér um málstaðinn.

Farið verður yfir frægar kosningaherferðir sem ollu straumhvörfum í kosningafræðum. Nemendur læra jafnframt grunnatriði í gerð herferðaáætlana.

Sjá nánar í kennsluskrá

Fyrir hverja, þátttökugjald, umsóknir, forkröfur og einingar

Námskeiðið er fyrir þá sem hafa áhuga á að byggja upp þekkingu og færni til að skilja skipulagningu og helstu áhrifaþætti í því að byggja upp góða herferð. En einnig hvernig kosningabaráttur og herferðir eru ólíkar á milli landa og svæða í heiminum. 

Þátttökugjald er kr. 164.000 kr

Gerð er krafa um stúdentspróf eða sambærilega menntun, t.d. úr Háskólagátt Háskólans á Bifröst.

Námskeiðið veitir 6 ECTS einingar. Námskeiðið fæst metið inn í námsleiðir í grunnnámi í Félagsvísindadeild Háskólans á Bifröst.

Fyrirkomulag

Námskeiðið er kennt í fjarnámi. Námskeiðið stendur yfir í sex vikur og kennsla hefst 27. maí og stendur til 5. júlí.

Þátttakendur taka námskeiðið ásamt nemendum í grunnnámi Háskólans á Bifröst. Þátttakendur geta búist við að verja um 25-30 klukkustundum á viku í vinnu við námskeiðið.  

Kennari

Kennari námskeiðsins er Bryndís Ísfold Hlöðversdóttir, stundakennari við Háskólann á Bifröst.

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur

Umsóknarfrestur er til 13. maí 2024.

Allar nánari upplýsingar eru veittar á netfanginu endurmenntun@bifrost.is.

Hér má sjá nánari upplýsingar um Endurmenntun til eininga við Háskólann á Bifröst

 

Skráning


Skrá mig

Smelltu á hnappinn til að sæka um námskeið í Endurmenntun Háskólans á Bifröst.

 

Svona skráir þú þig á námskeið:

  1. Fylla þarf út umsóknareyðublað í umsóknargáttinni.
  2. Ef þú skráir þig í námskeið með aðgangsviðmið, þarftu að bíða eftir að samþykki berist með tölvupósti.
  3. Til að ljúka við skráningu þarf að ganga frá greiðslu í umsóknargátt og sækja um notendanafn fyrir innra kennslukerfi Háskólans á Bifröst, Uglu https://ugla.bifrost.is. Þar birtast allar upplýsingar um námskeiðið.

Nánari upplýsingar eru veittar á endurmenntun@bifrost.is eða í síma 433 3000.