Framtíðarsamfélagið og fjórða iðnbyltingin
Hinn stafræni veruleiki og fjórða iðnbyltingin hafa þegar haft mikil áhrif á líf okkar, vinnu, samskipti, lýðræðið og menninguna. En framtíðin er í eðli sínu óvissu háð, einskonar vísindaskáldsaga þar sem við erum bæði sögupersónur og höfundar. Hraði tæknibreytinga í veldisvexti og þær tæknibreytingar hafa óumflýjanlega áhrif á samfélagið, hagskerfi, stjórnmál, menninguna, daglegt líf einstaklingana og friðhelgi þeirra. Í þessu námskeiði horfum við til framtíðar frá sjónarhóli heimspekinnar og spyrjum róttækra spurninga um eðli þessara breytinga en hefðbundnar sviðsmyndagreiningar bjóða uppá. Hver er framtíð mennskunnar, menningarinnar og einstaklingsfrelsisins. Er eitthvað að óttast? Dugar það samfélagsskipulag og hagkerfi til að takast á við þessar áskoranir og hvernig gæti lýðræði og hagkerfi framtíðarinnar litið út?
Fyrir hverja, þátttökugjald, umsóknir, forkröfur og einingar
Þetta námskeið er fyrir þá sem vilja læra að nýta heimspekilega nálgun til að hugsa út fyrir rammann um þær stóru spurningar sem mannkynið stendur frammi fyrir gagnvart framtíðinni.
Þátttökugjald er 164.000 kr.
Gerð er krafa um stúdentspróf eða sambærilega menntun, t.d. úr Háskólagátt Háskólans á Bifröst.
Námskeiðið veitir 6 ECTS einingar. Námskeiðið fæst metið inn í námsleiðir í grunnnámi í Félagsvísindadeild Háskólans á Bifröst.
Fyrirkomulag
Námskeiðið er kennt í fjarnámi. Námskeiðið stendur yfir í sex vikur og kennsla hefst 27. maí og stendur til 5. júlí.
Námsmat samanstendur af skriflegum og munnlegum verkefnum og endurspeglar þá áherslu sem lögð er á samtal í námskeiðinu. Námsmat er fjölbreytt og byggir bæði á skriflegum og munnlegum verkefnum. Í námskeiðinu er ekki lokapróf heldur vinna nemendur lokaritgerð um valið viðfangsefni tengt efni námskeiðsins.
Þátttakendur taka námskeiðið ásamt nemendum í grunnnámi Háskólans á Bifröst. Þátttakendur geta búist við að verja um 25-30 klukkustundum á viku í vinnu við námskeiðið.
Kennari
Kennari námskeiðsins er Sævar Ari Finnbogason, heimspekingur og aðjúnkt við Háskólann á Bifröst.
Styrkir
Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.
Umsóknarfrestur
Umsóknarfrestur er til 13. maí 2024.
Allar nánari upplýsingar eru veittar á netfanginu endurmenntun@bifrost.is.
Hér má sjá nánari upplýsingar um Endurmenntun til eininga við Háskólann á Bifröst
Skráning
Skrá mig
Smelltu á hnappinn til að sæka um námskeið í Endurmenntun Háskólans á Bifröst.
Svona skráir þú þig á námskeið:
- Fylla þarf út umsóknareyðublað í umsóknargáttinni.
- Ef þú skráir þig í námskeið með aðgangsviðmið, þarftu að bíða eftir að samþykki berist með tölvupósti.
- Til að ljúka við skráningu þarf að ganga frá greiðslu í umsóknargátt og sækja um notendanafn fyrir innra kennslukerfi Háskólans á Bifröst, Uglu https://ugla.bifrost.is. Þar birtast allar upplýsingar um námskeiðið.
Nánari upplýsingar eru veittar á endurmenntun@bifrost.is eða í síma 433 3000.