Vistkerfi gervigreindar

Vistkerfi gervigreindar

Takmarkið er að veita nemendum innsýn inn í helstu atriði gervigreindar og hvernig hún er notuð í viðskiptalegu samhengi. Farið verður í gegnum sögu og þróun gervigreindar og hvaða áhrif hún hefur haft á viðskipti. Rík áhersla er lögð á verkefnavinnu í námskeiðinu.

Við lok námskeiðs skal nemandi geta sýnt færni við eftirfarandi lærdómsviðmið:
Þekkingu
- Hafa þekkingu til þess að fjalla um algengustu viðskiptakerfi sem byggja á gervigreind.
- Gert grein fyrir mikilvægi og notagildi mismunandi gervigreindarforrita og kerfa.
Leikni
- Geta metið mikilvægi gervigreindar í viðskiptaferlum.
- Hafa leikni til þess að ráðleggja um notkun gervigreindar í viðskiptaferlum.
Hæfni
- Hafa hæfni til þess að meta og velja rétta gervigreindarferla fyrir viðskiptafræðileg viðfangsefni.

Sjá nánar í kennsluskrá

Fyrir hverja, þátttökugjald, forkröfur og einingar

Námskeiðið er fyrir þá sem vilja auka færni sína í að meta og velja rétta gervigreindarferla fyrir viðskiptafræðileg viðfangsefni.

Þátttökugjald er 156.000 kr 

Gerð er krafa um að hafa lokið stúdentsprófi eða sambærilegri menntun, t.d. úr Háskólagátt Háskólans á Bifröst

Námskeiðið veitir 6 ECTS einingar á grunnnámsstigi.

Fyrirkomulag

Námskeiðið er kennt í lotubundnu fjarnámi. Námskeiðið stendur yfir í sjö vikur og nemendur mæta í eina vinnustofu á Bifröst. Kennsla hefst 27. febrúar 2023 og stendur til 14. mars 2023. Ein fjögurra stunda vinnustofa verður haldin á Bifröst á tímabilinu 16.-19. mars 2023 en nánari tímasetning er kynnt í námskeiðinu. Námsmat fer fram dagana 17.-24. apríl 2023.  

Kennari

Kennari námskeiðsins er Hanna Kristín Skaftadóttir.

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 16. desember 2022.

Vinsamlegast láttu fylgja gögn í viðhengi sem sýna að þú uppfyllir aðgangsviðmið. 

Allar nánari upplýsingar eru veittar á netfanginu endurmenntun@bifrost.is.

 

Skráning


Stjörnumerkta (*) reiti verður að fylla út.