Vinnuréttur

Fjallað er um reglur sem gilda á vinnumarkaði. Reglur um réttindi og skyldur starfsmanna og atvinnurekenda hafa mikil áhrif á mannauðsstjórnun enda þurfa allar ákvarðanir þar að lútandi að vera í samræmi við lög. Annars vegar um ráðningarrétt, þ.e. réttindi og skyldur starfsmanna og atvinnurekenda sem leiðir af ráðningarsambandi þeirra. Dæmi þar um eru reglur sem lúta að ráðningu til starfa, jafnrétti á vinnumarkaði og uppsagnir. Hins vegar um vinnumarkaðsrétt, þ.e. þær reglur sem gilda til dæmis um samskipti aðila vinnumarkaðarins, kjarasamninga og vinnustöðvanir.

Sjá nánar í kennsluskrá

Fyrir hverja, þátttökugjald, forkröfur og einingar

Námskeiðið hentar þeim sem vinna að mannauðsmálum og öðrum sem vilja kynna sér reglur sem gilda á vinnumarkaði

Þátttökugjald er kr. 149.000.

Þátttakendur þurfa að hafa lokið grunnnámi á háskólastigi.

Námskeiðið veitir 6 ECTS einingar á framhaldsstigi.

Fyrirkomulag

Námskeiðið er kennt í lotubundnu fjarnámi. Námskeiðið stendur yfir í sjö vikur og nemendur mæta í eina vinnustofu á Bifröst. Kennsla hefst 17. október 2022 og stendur til 25. nóvember 2022. Um fjögurra stunda vinnustofa á Bifröst verður á tímabilinu 3.-6. nóvember, en nánari tímasetning er kynnt í námskeiðinu. Námsmat fer fram dagana 28. nóvember – 2. desember.

Kennarar

Kennarar námskeiðsins eru Guðmundur Heiðar Guðmundsson og Maj Britt Hjördís Briem

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 30. september 2022.

Vinsamlegast láttu fylgja gögn í viðhengi sem sýna að þú uppfyllir aðgangsviðmið.