Verkalýðsskólinn

Verkalýðsskólinn er þriggja daga námskeið sem haldið verður á Bifröst dagana 20.-22. maí 2022. Á námskeiðinu verður lögð áhersla á framsögn og örugga tjáningu, sögu verkalýðshreyfingarinnar, réttindi og skyldur á vinnumarkaði, kjarasamninga, fundarstjórn og samningatækni.

Þátttakendur njóta samveru í umhverfi Bifrastar, en boðið verður upp á skipulagðar gönguferðir á svæðinu og sameiginlega matartíma á Hótel Bifröst.

Þátttakendur geta bókað sig á námskeiðið með eða án gistingar og veitinga. Námskeiðið hefst kl. 10 á föstudagsmorgni og því lýkur seinnipart á sunnudegi.

Námskeiðið er skipulagt í samstarfi við ASÍ.

Fyrir hverja

Námskeiðið er samtals 21 klukkustund og er opið öllum. Það er sniðið sérstaklega að þeim sem eru áhugasamir um kjarabaráttu og störf verkalýðsfélaga, til dæmis trúnaðarmönnum og þeim sem koma að kjaraviðræðum.

Þátttökugjald

Heildargjald er kr. 98.800, sem skiptist í námskeiðsgjald kr. 49.800 og gistingu og mat á kr. 49.000).

Snemmskráningargjald er kr. 93.800.

Kennarar

Margrét Jónsdóttir Njarðvík, rektor Háskólans á Bifröst, Sigríður Arnardóttir, kennari í framsögn og öruggri tjáningu við Háskólann á Bifröst, Dagný Pind, lögfræðingur BSRB, Aðalsteinn Leifsson, ríkissáttasemjari, Halldór Oddsson og Arna Björk Gunnarsdóttir, framkvæmdastjóri.

Styrkir

Við hvetjum þátttakendur til að kanna rétt sinn á styrk úr sínum fræðslusjóði.

Umsóknarfrestur

Snemmskráning er til 13. maí, en opið er fyrir skráningu til 18. maí.