Þjónandi forysta og stjórnun

Markmið námskeiðsins er að nemendur þekki grunnþætti stjórnunar og forystu með hliðsjón af hugmyndafræði þjónandi forystu. Fjallað verður um rit Roberts K. Greenleafs, Þjónn verður leiðtogi (ísl. þýðing 2018). Einkum verður rætt um áhrifamátt þjónandi forystu sem leiðir til aukins árangurs um leið og unnið er á forsendum fylgjenda leiðtoga. Auk þess verður ritið Leveraging the Power of Servant Leadership (2018) eftir J. Laub lesið. 

Fjallað verður um rannsóknir um þjónandi forystu og hagnýtingu þjónandi forystu í ýmsu samhengi, í daglegu lífi sem og í rekstri skipulagsheilda. Nemendur verða þjálfarðir í að greina frá dæmum um þjónandi forystu samkvæmt reynslu sinni og starfsumhverfi.

Sjá nánar í kennsluskrá

Fyrir hverja, þátttökugjald, aðgangsviðmið og einingar

Námskeiðið er fyrir þá sem vilja öðlast innsýn í hlutverk stjórnanda sem beitir þjónandi forystu

Þátttökugjald er 164.000 kr.  

Þátttakendur þurfa að hafa lokið stúdentsprófi eða sambærilegri menntun, t.d. úr Háskólagátt Háskólans á Bifröst

Námskeiðið veitir 6 ECTS einingar á grunnnámsstigi.

Fyrirkomulag

Námskeiðið er kennt í lotubundnu fjarnámi. Námskeiðið stendur yfir í sjö vikur og nemendur mæta í eina vinnustofu í Borgarnesi. Kennsla hefst 1. mars 2024 og stendur til 19. apríl 2024. Um fjögurra stunda vinnustofa verður á tímabilinu 14.-17. mars í Borgarnesi, en nánari tímasetning er kynnt í námskeiðinu. Námsmat fer fram dagana 15.-19. apríl.

Þátttakendur taka námskeiðið ásamt nemendum í grunnnámi Háskólans á Bifröst. Þátttakendur geta búist við að verja um 25-30 klukkustundum á viku í vinnu við námskeiðið.     

Kennari

Kennari námskeiðsins er Skúli Sigurður Ólafsson

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 18. febrúar 2024.

Vinsamlegast láttu fylgja gögn í viðhengi sem sýna að þú uppfyllir aðgangsviðmið. 

Allar nánari upplýsingar eru veittar á netfanginu endurmenntun@bifrost.is.

Hér má sjá nánari upplýsingar um Endurmenntun til eininga við Háskólann á Bifröst

 

Skráning

---

Skrá mig

Smelltu á hnappinn til að sæka um námskeið í Endurmenntun Háskólans á Bifröst.

Svona skráir þú þig á námskeið:

1. Fylla þarf út umsóknareyðublað í umsóknargáttinni.
2. Ef þú skráir þig í námskeið með aðgangsviðmið, þarftu að bíða eftir að samþykki berist með tölvupósti.
3. Til að ljúka við skráningu þarf að ganga frá greiðslu í umsóknargátt og sækja um notendanafn fyrir innra kennslukerfi Háskólans á Bifröst, Uglu https://ugla.bifrost.is. Þar birtast allar upplýsingar um námskeiðið.

Nánari upplýsingar eru veittar á endurmenntun@bifrost.is eða í síma 433 3000.