Þjóðhagfræði

Í námskeiðinu er farið yfir helstu kenningar, aðferðir og viðfangsefni þjóðhagfræðinnar. Markmið námskeiðsins er að gefa nemendum innsýn í meginviðfangsefni þjóðhagfræðinnar og þær aðferðir, kenningar og hugtök sem notast er við. Áhersla er einnig lögð á hagnýtt gildi námsefnisins með því að samtvinna fræðin jafnóðum efnahagsumræðunni hérlendis sem og erlendis. Á efnisskrá er m.a. eftirfarandi: Vísitölur og þjóðhagsreikningar, hagkerfið til skamms tíma, framleiðsla og eftirspurn, hagsveiflur og áhrif fjármála- og peningamálastefnu, hagkerfið til meðal- og langs tíma, hagvöxtur og heildarframboð, verðbólga og væntingar, fjármála- og vinnumarkaðir, hagfræði opinna hagkerfa, gengismál og viðskiptajöfnuður, fjármálakreppur og hagkvæm myntsvæði. 

Sjá nánar í kennsluskrá

Fyrir hverja, þátttökugjald, forkröfur og einingar

Námskeiðið er fyrir þá sem vilja auka þekkingu sína og skilning á hagkerfinu og helstu hugtökum því tengdu

Þátttökugjald er 164.000 kr.  

Gerð er krafa um að hafa lokið stúdentsprófi eða sambærilegri menntun, t.d. úr Háskólagátt Háskólans á Bifröst

Námskeiðið veitir 6 ECTS einingar á grunnnámsstigi.

Fyrirkomulag

Námskeiðið er kennt í lotubundnu fjarnámi. Námskeiðið stendur yfir í sjö vikur og nemendur mæta í eina vinnustofu í Borgarnesi. Kennsla hefst 1. mars 2024 og stendur til 19. apríl 2024. Um fjögurra stunda vinnustofa verður á tímabilinu 14.-17. mars í Borgarnesi, en nánari tímasetning er kynnt í námskeiðinu. Námsmat fer fram dagana 15.-19. apríl.

Þátttakendur taka námskeiðið ásamt nemendum í grunnnámi Háskólans á Bifröst. Þátttakendur geta búist við að verja um 25-30 klukkustundum á viku í vinnu við námskeiðið.   

Kennari

Kennari námskeiðsins er Erlendur Ingi Jónsson

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 18. febrúar 2024.

Vinsamlegast láttu fylgja gögn í viðhengi sem sýna að þú uppfyllir aðgangsviðmið. 

Allar nánari upplýsingar eru veittar á netfanginu endurmenntun@bifrost.is.

Hér má sjá nánari upplýsingar um Endurmenntun til eininga við Háskólann á Bifröst

 

Skráning

---

Skrá mig

Smelltu á hnappinn til að sæka um námskeið í Endurmenntun Háskólans á Bifröst.

Svona skráir þú þig á námskeið:

1. Fylla þarf út umsóknareyðublað í umsóknargáttinni.
2. Ef þú skráir þig í námskeið með aðgangsviðmið, þarftu að bíða eftir að samþykki berist með tölvupósti.
3. Til að ljúka við skráningu þarf að ganga frá greiðslu í umsóknargátt og sækja um notendanafn fyrir innra kennslukerfi Háskólans á Bifröst, Uglu https://ugla.bifrost.is. Þar birtast allar upplýsingar um námskeiðið.

Nánari upplýsingar eru veittar á endurmenntun@bifrost.is eða í síma 433 3000.