Máttur kvenna II

Máttur kvenna II

Í námskeiðinu er byggt ofan á þá færni sem nemendur unnu með í námsleiðinni Máttur kvenna – rekstur fyrirtækis. Mikið er lagt upp úr hagnýtri þjálfun í markaðssetningu á samfélagsmiðlum, öruggri tjáningu í kynningum og markaðsstarfi fyrir fyrirtæki. Við lok námskeiðs hafa nemendur útbúið vídeókynningu á fyrirtæki sínu eða hugmynd og verið í fréttaviðtali um það. Nemendur fá upptökur sínar til eignar og geta notað í fyrirtækjastarfi sínu. Nemendur fá aðgang að leiðbeiningum og leiðsögn um gerð vefverslunar. Fjallað verður um fjármögnunarmöguleika fyrirtækja. Mikið er lagt upp úr persónulegri leiðsögn. Samvera og útivist í umhverfi Bifrastar eru hluti af dagskrá staðlota.

Innifalið í verði er kennsla og dagskrá staðlota, gisting með morgunmat í einstaklingsherbergi á staðlotum frá laugardegi til sunnudags, kvöldmatur á laugardagskvöldum og kaffiveitingar og hádegismatur á staðlotum.

Sjá námskeiðslýsingu

Fyrir hverja, þátttökugjald, umsóknir, forkröfur og umfang

Námskeiðið er sniðið að þeim sem hafa tekið þátt í náminu Máttur kvenna – rekstur fyrirtækis og vilja fá áframhaldandi hagnýta leiðsögn um fjármögnun fyrirtækis, markaðssetningu og örugga tjáningu.

Þátttökugjald er kr. 198.000. Tekið er við umsóknum á umsóknarvef háskólans. 

Þátttakendur skulu hafa sótt námskeiðið Máttur kvenna – rekstur fyrirtækis.  

Umfang námskeiðsins jafngildir 5 framhaldsskólaeiningum og geta nemendur því búist við að verja um 90-120 klst í vinnu við námskeiðið. Þar af eru um 45 klst á vinnuhelgum, kynningu og Teams fundum.

Fyrirkomulag

  • Kynningarfundur verður í Reykjavík: Fimmtudaginn 25. ágúst kl. 17:00.

  • Námið fer fram á tveimur staðlotum á Bifröst: 2.-4. september og 23.-24. september. Nemendur vinna sjálfir að verkefnum á milli staðlota og kennsluefni verður aðgengilegt á Canvas.

  • Útskrift verður föstudaginn 30. september.

Kennarar

Kennarar námskeiðs eru Sirrý Arnardóttir, Jón Freyr Jóhannesson og Atli Björgvinsson.

Sirrý á að baki 30 ára farsælan feril í fjölmiðlum. Hún stýrði útvarps- og sjónvarpsþáttum um árabil, ritstýrði tímariti, starfaði sem blaðamaður og við almannatengsl. Er með próf í félags- og fjölmiðlafræði frá Háskóla Íslands og sótti framhaldsnám á vegum Utanríkisráðuneytisins hjá bandarískri fjölmiðlasamsteypu víðs vegar um USA. Hefur skrifað 8 bækur m.a. ,,Örugg tjáning – betri samskipti”. Sirrý hefur rekið sig sem fyrirtæki í fjölda ára, verið framkvæmdastjóri góðgerðasamtaka, haldið fyrirlestra og námskeið víða um land og á Spáni og kennt við Háskólann á Bifröst síðan 2008. www.sirry.is

Jón Freyr Jóhannsson er lektor við Viðskiptadeild Háskólans á Bifröst frá 2008. Jón Freyr hefur BSc. gráðu í tölvunarfræði, meistaragráðu í viðskiptafræði og auk þess kennsluréttindi í grunn- og framhaldsskólum. Hann hefur frá 2008 kennt fjölda námskeiða í Háskólagátt, Símenntun og í háskóladeildum á Bifröst, m.a. í upplýsingatækni og stærðfræði.

Jón Freyr kenndi áður við Háskólann í Reykjavík frá árinu 2000 en einnig  við aðrar menntastofnanir frá 1990. Auk þess hefur hann reynslu á sviði stjórnunar og ráðgjafar á sviði stefnumótunar, upplýsingatækni, sjálfsmats fyrirtækja og gæðastjórnunar í rúm þrjátíu ár.

Áherslur Jóns Freys í rannsóknum eru á sviði kennslufræði og þróunar kennsluaðferða.

Atli Björgvinsson er stundakennari við Háskólann á Bifröst, en hann kennir námskeið um Stjórnun samfélagsmiðla í grunnnámi og námskeiðið Stafræn markaðsstjórnun í meistaranáminu. Hann starfar einnig við stafræna markaðssetningu fyrir fyrirtæki á borð við Samsung, Marel, Háskólann á Bifröst og fleiri

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur

Snemmskráning er til 10. júní 2022. Námskeiðsgjald fyrir snemmskráningu er kr. 178.200.

Umsóknarfrestur er til 15. ágúst 2022. Námskeiðsgjald er kr. 198.000.

Allar nánari upplýsingar eru veittar á netfanginu endurmenntun@bifrost.is.

 

Skráning


Stjörnumerkta (*) reiti verður að fylla út.