Hugmyndasaga
Fjallað er um meginstrauma í heimspeki og stjórnmálum 18. til 20. aldar, samhengi þeirra rætt og áhrifasaga helstu verka og höfunda rakin. Lesnir eru kaflar úr verkum nokkurra helstu
hugsuða tímabilsins og nemendur kynnast þeim kenningum og viðhorfum sem mest áhrif hafa haft á síðari tíma. Byrjað er á umfjöllun um upplýsingu og rómantík en hún gefur tóninn fyrir
helstu viðfangsefni þeirra höfunda sem á eftir koma. Lykilhöfundar eru m.a. Immanuel Kant, G.W.F. David Hume, G. W. Hegel, Friedrich Nietsche, Marx, Sören Kierkegaard, Hannah Arendt og Jean-Paul Sartre.
Fyrir hverja, þátttökugjald, umsóknir, forkröfur og einingar
Námskeiðið er fyrir þá sem hafa áhuga á þróun hugmynda og kenninga á 18 til 20 aldar.
Þátttökugjald er 164.000 kr.
Gerð er krafa um að hafa lokið stúdentsprófi eða sambærilegri menntun, t.d. úr Háskólagátt Háskólans á Bifröst
Námskeiðið veitir 6 ECTS einingar á grunnnámsstigi.
Fyrirkomulag
Námskeiðið er kennt í lotubundnu fjarnámi. Námskeiðið stendur yfir í sjö vikur og nemendur mæta í eina vinnustofu í Borgarnes. Kennsla hefst 1. mars 2024 og stendur til 19. apríl 2024. Um fjögurra stunda vinnustofa verður á tímabilinu 14.-17. mars í Borgarnesi, en nánari tímasetning er kynnt í námskeiðinu. Námsmat fer fram dagana 15.-19. apríl.
Námsmat er fjölbreytt og byggir bæði á skriflegum og munnlegum verkefnum. Í námskeiðinu er ekki lokapróf heldur vinna nemendur lokaverkefni.
Þátttakendur taka námskeiðið ásamt nemendum í grunnnámi Háskólans á Bifröst. Þátttakendur geta búist við að verja um 25-30 klukkustundum á viku í vinnu við námskeiðið.
Kennari
Kennari námskeiðsins er Sævar Ari Finnbogason, heimspekingur og aðjúnkt við Háskólann á Bifröst.
Styrkir
Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.
Umsóknarfrestur og skráning
Umsóknarfrestur er til 18. febrúar 2024.
Vinsamlegast láttu fylgja gögn í viðhengi sem sýna að þú uppfyllir aðgangsviðmið.
Allar nánari upplýsingar eru veittar á netfanginu endurmenntun@bifrost.is.
Hér má sjá nánari upplýsingar um Endurmenntun til eininga við Háskólann á Bifröst
Skráning
Skrá mig
Smelltu á hnappinn til að sæka um námskeið í Endurmenntun Háskólans á Bifröst.
Svona skráir þú þig á námskeið:
- Fylla þarf út umsóknareyðublað í umsóknargáttinni.
- Ef þú skráir þig í námskeið með aðgangsviðmið, þarftu að bíða eftir að samþykki berist með tölvupósti.
- Til að ljúka við skráningu þarf að ganga frá greiðslu í umsóknargátt og sækja um notendanafn fyrir innra kennslukerfi Háskólans á Bifröst, Uglu https://ugla.bifrost.is. Þar birtast allar upplýsingar um námskeiðið.
Nánari upplýsingar eru veittar á endurmenntun@bifrost.is eða í síma 433 3000.