Fjölmiðlar - siðferði og lög

Í námskeiðinu er fjallað um lagaumgjörð fjölmiðla sem og siðferðileg álitamál sem snúa að miðlun. Meðal viðfangsefna eru upplýsingalög, meiðyrðalög, tjáningarfelsi og tengsl við persónuverndarlög o.s.frv. Áhersla er lögð á að skýra samfélagslegt hlutverk fjölmiðla, siðferðilegar skyldur fjölmiðlafólks, lagaleg réttindi fjölmiðlafólks og réttindi almennings. Námskeiðið er kennt með semínar fyrirkomulagi þar sem nemendur taka þátt vikulegum umræðum og skila verkefnum auk lokaverkefnis. Ekki er þörf á því að nemendur hafi bakgrunn í lögfræði en námskeiðið er jafnan í sameiginlegri umsjá sérfræðinga í lögum og siðfræði.

Sjá nánar í kennsluskrá

Fyrir hverja, þátttökugjald, forkröfur og einingar

Námskeiðið er fyrir þá sem vilja hafa skilning á helstu siðferðilegu álitamálum er snúa að fjölmiðlun.

Þátttökugjald er 164.000 kr.  

Gerð er krafa um að hafa lokið stúdentsprófi eða sambærilegri menntun, t.d. úr Háskólagátt Háskólans á Bifröst

Námskeiðið veitir 6 ECTS einingar á grunnnámsstigi.

Fyrirkomulag

Námskeiðið er kennt í lotubundnu fjarnámi. Námskeiðið stendur yfir í sjö vikur og nemendur mæta í eina vinnustofu í Borgarnesi. Kennsla hefst 1. mars 2024 og stendur til 19. apríl 2024. Um fjögurra stunda vinnustofa verður á tímabilinu 14.-17. mars í Borgarnesi, en nánari tímasetning er kynnt í námskeiðinu. Námsmat fer fram dagana 15.-19. apríl.

Þátttakendur taka námskeiðið ásamt nemendum í grunnnámi Háskólans á Bifröst. Þátttakendur geta búist við að verja um 25-30 klukkustundum á viku í vinnu við námskeiðið.   

Kennarar

Kennarar námskeiðsins eru Gunnar Sigvaldason & Helga Kristín Auðunsdóttir

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 18. febrúar 2024.

Vinsamlegast láttu fylgja gögn í viðhengi sem sýna að þú uppfyllir aðgangsviðmið. 

Allar nánari upplýsingar eru veittar á netfanginu endurmenntun@bifrost.is.

Hér má sjá nánari upplýsingar um Endurmenntun til eininga við Háskólann á Bifröst

 

Skráning

---

Skrá mig

Smelltu á hnappinn til að sæka um námskeið í Endurmenntun Háskólans á Bifröst.

Svona skráir þú þig á námskeið:

1. Fylla þarf út umsóknareyðublað í umsóknargáttinni.
2. Ef þú skráir þig í námskeið með aðgangsviðmið, þarftu að bíða eftir að samþykki berist með tölvupósti.
3. Til að ljúka við skráningu þarf að ganga frá greiðslu í umsóknargátt og sækja um notendanafn fyrir innra kennslukerfi Háskólans á Bifröst, Uglu https://ugla.bifrost.is. Þar birtast allar upplýsingar um námskeiðið.

Nánari upplýsingar eru veittar á endurmenntun@bifrost.is eða í síma 433 3000.