Stefnumótunarfundur á Bifröst

1. nóvember 2017

Stefnumótunarfundur á Bifröst

Þann 21. október síðastliðinn hélt stjórn Háskólans á Bifröst stefnumótunarfund. Til fundarins var boðað fulltrúaráð skólans, starfsfólk, nemendur og fulltrúar aðstandenda skólans. Góð mæting var á fundinn og mörg áhugaverð sjónarmið viðruð. Velt var upp spurningum er lutu m.a. að stefnupýramíða skólans, Háskólanum á Bifröst eftir 10 ár, tengingu skólans við atvinnulífið, áherslum varðandi námsframboð og kennsluhætti, framtíðar staðsetningu skólans, forgangsmál næstu ára og fleira.

Í kjölfarið verður tekin saman skýrsla um helstu niðurstöður fundarins sem byggt verður á við áframhaldandi stefnumótunarvinnu fyrir háskólann.

Í tilfefni stefnumótunarfundarins hafa verið birt á Facebook síðu Háskólans á Bifröst, sjö stutt myndbönd eða eitt á dag síðan fundurinn fór fram. Þá má einnig finna myndböndin undir flipanum ,,stefnumótunarfundur 2017" á heimasíðu skólans. Á þessum myndböndum má sjá fundargesti m.a. tjá sig um framtíðarsýn og stefnu skólans. Einnig má finna myndir frá viðburðinum hér.