Jólagjöfin í ár eru „Þráðlausir hátalarar eða heyrnatól“

Það er mat sérskipaðrar valnefndarinnar að jólagjöfin í ár séu „Þráðlausir hátalarar eða heyrnatól“. Í röksemdum segir að með aukinni notkun snjalltækja hafi jafnframt orðið miklar framfarir í þróun á tækjum til að hlusta á tónlist úr tónlistaveitum, lestur af rafbókum, hlaðvarpa og streymissíðna. Æ algengara verður að fólk á öllum aldri njóti hlustunar úr þráðlausum hljómtækjum. Aðrar ástæður fyrir því að þráðlausir hátalarar og heyrnatól rati í jólapakkana í ár séu miklar framfarir í gæðum á hljómburði og ekki síður hönnun þeirra og útliti. Slík tæki fást á mjög breiðu verðbili.