Fjalladagatali Háskólans á Bifröst sumarið 2011 var hleypt af stokkunum nú á dögunum.   

Gönguáhugafólk við skólann stendur sameiginlega að dagskránni og skipta þau fararstjórn á milli sín. 

Yfirskrift ferðanna er ávallt það sama: Njótum þess sem náttúra Íslands hefur uppá að bjóða.  Þegar hver ferð er búin setjum við svo inn smá ferðasögu.

21. júní: Sumarsólstöðuganga á 7 tinda í kringum Hafnarfjall (844 m)

Stórkostleg ganga sem enginn náttúruunnandi ætti að láta framhjá sér fara!! Gengið verður að kvöldi/nóttu á móti sólsetri/sólarupprás.

Göngutími: 4-6 klst.

Fararstjóri: Geirlaug Jóhannsdóttir

4. júlí: Vikrafell 840 m (rétt hjá Bifröst)

Dásamlega falleg ganga að fjalli sem líkist helst Keili.

Göngutími: 3-4 klst.

Fararstjóri: Stefán Sveinbjörnsson

26. júlí: Hraunsnefsöxl (ekki svo hátt....) (fyrir ofan Bifröst)

Tignarlegt fjall fyrir ofan Sveitahótelið Hraunsnef. Glæsilegt útsýni.

Göngutími: 2-3 klst.

Fararstjóri: Þórir Páll Guðjónsson, velunnari og verndari Bifrastar

Byrjun ágúst (óákveðin dagsetning): Hafnarfjall (844 m)

Falleg uppganga með dásamlegu útsýni yfir landið og miðin allan tímann.

Göngutími: 3-4 klst.

Fararstóri: Bryndís Hlöðversdóttir, rektor

12. ágúst: Baula (934 m)

Krefjandi og óvenjuleg ganga, ólík öllum öðrum fjallgöngum. Stórbrotið útsýnið verðlaunar ríkulega á toppnum! Þessi ferð er ekki fyrir lofthrædda.....sorry!

Göngutími: 4-6 klst. (fer eftir fjölda göngugarpa)

Fararstjóri: Sigrún Hermannsdóttir

Ferðirnar eru gjaldfrjálsar en fólk þarf að koma sér sjálft á staðinn. Nokkrar kröfur eru gerðar, þokkalegt gönguform, slatti af þakklæti, töluvert af náungakærleik og endalaus lífsgleði.