TENGSLANET V - VÖLD TIL KVENNA
Bifröst 27. - 28. maí 2010*
SINNASKIPTI - SAMSKIPTI
& HUGREKKI
"You don´t have to be anti-man to be pro-woman!"
Fimmtudagurinn 27. maí 2010
- upplýsingar um skráningu og gistingu -
Kl. 15.00 Mæting á Bifröst og skráning
Kl. 17.00 Ganga að Grábrók - "Power Walk"
Þátttakendur ganga að fjallinu; - konur af öllum sviðum í samfélaginu. (Power Walk :)
17.30 Við rætur fjalls: Óvænt uppákoma
Sóknarpresturinn í Stafholti sér Elínborg Sturludóttir flytur örstutt ávarp um gönguna upp á fjallið.
18.00 Fjallræðan Charlotte Bøving - Hugleiðingar um hugrekki og sjálfstraust út frá persónulegri reynslu.
18.40 Kvöldverður við Hreðavatn
Rútur flytja gesti niður að Hreðavatni frá Grábrók. Staðnæmst í rjóðri og boðið upp á léttar veigar. Kvölverður við langeld þar sem fossinn fellur í Kiðá. Veislustjóri: Þórhildur Þorleifsdóttir leiksstjóri. Ýmsar skemmtilegar konur flytja örstutt ávörp.
22.30 Gengið til náða (eða farið í heitan pott)
Rútur flytja gesti heim á gististaði. Fyrri rúta fer kl. 21.30 og sú síðari kl. 23.00.
Föstudagur 28. maí
08.00 - 08.45 Mæting á Bifröst. Rútur sækja gesti. Boðið upp á kaffi. Helga Þórarinsdóttir spilar á víólu.
09.00 Opnun ráðstefnu - Herdís Þorgeirsdóttir prófessor
Bandaríski metsölurithöfundurinn og einn róttækasti samfélagsgagnrýnandi sem nú er á ritvellinum. Bók hennar Nickel and Dimed var í ár (2010) valin ein af tíu bestu bókum síðasta áratugar á sviði rannsóknarblaðamennsku af blaðamannstofnun New York háskóla.
Barbara Ehrenreich er þekkt fyrir baráttu sína fyrir réttindum kvenna. Hún skrifaði um árabil í MS tímarit Gloriu Steinem; er doktor í líffræði en hefur helgað líf sitt ritstörfum. Hún er höfundur margra bóka og greina; er dálkahöfundur í stórblaðinu New York Times, vinsæll gestur í sjónvarpsþáttum; þykir eitursnjall penni, frábær fyrirlesari og Lundúnablaðið Times hefur kalla hana Jonathan Swift samtímans vegna skarprar sýnar hennar á öfgar og óréttlæti. Þegar hún skrifaði Nickel and Dimed gerðist hún sjálf gengilbeina til að kynnast af eigin raun kjörum þeirra sem komast ekki af í Bandaríkjunum. Hún er sjálf hámenntuð en sagði að láglaunastörf ætluð þeim sem enga færni hafa væru í raun störf sem krefðust oft mikillar einbeitingar, úthalds og þess að fólk sé fljótt að hugsa. Hún segir að þessi láglaunastörf séu ekki eingöngu vanmetin heldur einnig miklu erfiðari um margt auk þess sem þeir sem þeim gegni séu oft að fórna miklu. Þá bendir hún á hvernig atvinnurekendur notfæri sér iðulega eymd þessa fólks. Í nýjustu bók sinni Brigthsided sem vakið hefur mikla athygli gagnrýnir hún „jákvæðni-iðnaðinn“ sem gengur út á að láta fólk meðtaka hlutskipti sitt eins og brosandi vélmenni í stað þess að vera raunsæir, gagnrýnir borgarar.
(http://www.dv.is/frettir/2010/5/1/barbara-ehrenreich-verdur-bifrost/)
"Barbara Ehrenreich the essayist, author, editor, lecturer, political savant, and television talk-show guest… has been making people sit up and pay attention to her caustically witty feminist and social-justice agenda since the mid-70's, when she began writing for Ms. magazine. One British critic, Charles Brener of The Times of London, has called her the Jonathan Swift of the American 90's. And that ought to be accomplishment enough for any writer… Ehrenreich’s is a wide-ranging intelligence honed by unusual academic credentials – a Ph.D. in biology from Rockefeller University – and an intellectually restless soul … Her books include "Bright-sided, " "Bait and Switch, " the enormously successful "Nickel and Dimed, " "The Hearts of Men: American Dreams and the Flight From Commitment," "Fear of Falling: The Inner Life of the Middle Class" and "The Worst Years of Our Lives," a collection of mordant though humorous essays about the Reagan 80's.
- New York Times Book Review
Fjölmiðlakonur í pallborði (Agnes Bragadóttir, Þóra Kristín Ásgeirsdóttir (o.fl.) og Alfheiður Ingadóttir heilbrigðisráðherra.
10.10 KAFFI
10.30 Dr. Sigríður Benediktsdóttir frá Yale háskóla, einn höfunda rannsóknarskýrslunnar
Sigríður talar um brotalamir í bankakerfinu; aðdraganda hrunsins og framtíðina á grundvelli skýrslunnar. Hún leggur út af þema ráðstefnunnar um hugrekki og sinnaskipi.
11.00 Umræður - panell fjölmiðlakvenna og fleiri.
Helga Jónsdóttir fyrrum borgarritari, Dögg Pálsdóttir hæstarétttarlögmaður og Elín Hirst.
11.20 Pallborð I - Atvinnulífið: Að valda og þjóna
Stjórn umræðna: Ragnheiður Elín Árnadóttir formaður þingflokks Sjálfstæðisflokksins
Brynja Guðmundsdóttir forstjóri og stofnandi Gagnavörslunnar fjallar um mikilvægi þess að konur kaupi fyrirtækin. Sjálf veðsetti hún húsið sitt, einstæð, fjögurra barna móðir og hefur byggt upp stórt fyrirtæki í gagnavörslu. Fyrirtækið stofnaði hún 2007 og starfa nú hjá því 40 manns. Erindi sitt kallar hún: Að láta drauminn rætast? "Hvenær er rétti tíminn til að stofna eða kaupa fyrirtæki ? Nú everið að endurúthluta fyrirtækjum aftur – ætlum við konur að taka þátt eða ekki?" Brynja er viðskiptafræðíngur og starfaði áður sem framkvæmdastjóri fjármálasviðs og innri upplýsingakerfa hjá Skýrr.
Þóranna Jónsdóttir talar um nauðsyn fjölbreytni í stjórnum fyrirtækja - en hún mun verja doktorsritgerð sína um tengt efni í júlí n.k. Þóranna er framkvæmdastjóri Auðar Capital.
Dr. María Heimisdóttir yfirlæknir á hag- og upplýsingasviði Landspítalans fjallar um þjónandi forystu. "Er þjónandi forysta fyrir Kellingar?" - en þessi nýi stjórnunarstíll stangast á við hefðbundin viðhorf um persónuegerð, hegðun og hlutverk stjórnanda., María lauk læknaprófi frá HÍ; MBA í
lýðheilsu og stjórnun frá Connecticut háskóla og doktorsprófi frá Massachusettsháskóla. Hún starfaði áður hjá Íslenskri erfðagreiningu; kennir við lækna- og viðskiptadeild HÍ og er aðjúnkt við háskólann í Minnesota. María var eina konan sem sótti um embætti landlæknis sem veitt var um síðustu áramót. Hún var ein þeirra þriggja sem metin voru hæf til að gegna embættinu en karlmaður var skipaður landlæknir.
Margrét Kristmannsdóttir formaður Samtaka verslunar og þjónustu, stjórnarmaður í SA og áður formaður Félags kvenna í atvinnurekstri spyr: Afhverju eru konur hræddar við að taka upp boxhanskana? Hún talar um átakaaðferðir stjórnmála og viðskiptalífs og spyr hvort konur neyðist til að taka upp aðferðir karlanna eða hvort þær séu nógu samhentar og margar til að breyta aðferðunum?
12.20 Fyrirspurnir & stjórn umræðna: Steinunn Stefánsdóttir ritstjóri
12.30 Hádegisverður - hlaðborð
13.30 Pallborð II - Fjölskyldan - upplausn, væntingar og vonir
Stjórnandi er Ingveldur Einarsdóttir formaður Dómarafélags Íslands er fundarstjóri. Ingveldur hefur verið héraðsdómari frá árinu 1999, fyrst við Héraðsdóm Suðurlands og frá árinu 2004 við Héraðsdóm Reykjavíkur. Hún sat í Dómstólaráði um nokkurra ára skeið, og var formaður þess í eitt ár. Hún var kjörin formaður Dómarafélags Íslands í nóvember 2009. Hún hefur setið í nefndum sem hefur verið falið að gera tillögur að breytingum á barnalögum og barnaverndarlögum. Hún hefur verið formaður kærunefndar barnaverndarmála um margra ára skeið. Þá átti hún í nokkur ár sæti í nefnd sem sér um námskeið sem haldin eru til öflunar héraðsdómslögmannsréttinda. Hún situr nú í áfrýjunarnefnd háskólanema. Ingveldur er gift, á tvo syni, 28 og 18 ára gamla.
Dr. Sólveig Anna Bóasdóttir fjallar um ofbeldi í hjónaböndum.
„Ofbeldi karla gagnvart konum innan hjónabandsins er staðreynd í öllum nútímasamfélögum. Sólveig spyr hvers vegna þetta ofbeldi viðhelst og hvað styður við það? Hún beinir kastljósinu beint að menningarbundnu, kerfisbundnu og persónubundnu ofbeldi. "Þessi þrjú hugtök mynda samfellu sem varpa ljósi á stöðu kvenna í dag í menningunni, samfélaginu og í einkalífinu".
Hrefna Friðriksdóttir lektor við lagadeild Háskóla Íslands fjallar um stöðu foreldra og spyr hvað sé gott, hvað sé rétt og hvað kallist jafnt? Hrefna veltir m.a. upp spurningum um forsjá, búsetu og umgengni við börn.
Íris Erlingsdóttir fjallar um neyslulvæðingu hjónabandsins og fjölskyldunnar, framhjáhöld, peninga, stress og trúnaðarbrest. Útgangspunkturinn er: Skuldbinding sama á hvað gengur eða skuldbinding eingöngu á meðan það er gaman. Markaðslögmálin hafa haft áhrif á hjúskaparlöggjöfina.
Íris er fjölmiðlafræðingur og MTOM (meistaragráða í hefðbundnum austrænum lækningum). Hún segir áhrif neyslumenningarinnar vera þau að fólk sé sífellt að leita að "einhverju betra", meiri hamingju. Afleiðingarnir blasi við: Sorgmæddar og sundraðar fjölskyldur og hjónabönd sliguð af lífsleiða og framhjálhödlum. Hún ræðir leiðir til að snúa þessari þróun við.
.
Ragnhildur Guðmundsdóttir formaður Mæðrastyrksnefndar Reykjavíkur fjallar um fjölskyldur í fátækt.
Ríflega þrjátíu og eitt þúsund manns draga fram lífið á tekjum sem teljast undir fátæktarmörkum, eða um tíundi hluti þjóðarinnar. Þetta er staðreynd þrátt fyrir að mesta hagvaxtarskeiði í sögu þjóðarinnar sé nýlega lokið. Sá hópur sem þarf aðstoð við matarinnkaup fer sífellt stækkandi. Evrópusambandið skilgreininir lágtekjumörk sem 60 prósent af miðgildi ráðstöfunartekna. Miðgildi launa á Íslandi er samkvæmt Hagstofu Íslands 373 þúsund krónur. Það þýðir að jafn margir fullvinnandi einstaklingar eru með hærri laun og lægri en þá upphæð. Samkvæmt tölum frá Guðnýju Björk Eydal, prófessors í félagsráðgjöf við Háskóla Íslands, lifðu 31.400 manns undir fátæktarmörkum á Íslandi í fyrra; höfðu minni mánaðartekjur en 160.800 krónur, jafngildir það 10,2 prósentum Íslendinga. Til marks um þann vanda má nefna að samtals um eitt þúsund fjölskyldur þiggja um þessar mundir mat frá Fjölskylduhjálp Íslands og Mæðrastyrksnefnd, í hverri viku þegar mest lætur.
Dr. Sigríður Ólafsdóttir fjallar um líffræðilegar skýringar á tilfinningalífi og hegðun; hvaða áhrif lífeðlisfræðileg fyrirbæri hafa á hegðun og samskipti milli ástvina. Félagsvísindin hafa til þessa verið leiðandi í að skýra samskipti og viðbrögð, en líffræðin sækir
inn á þessi svið.
Sigríður lærði líffræði við Háskóla Íslands; lauk doktorsprófi í lífefnafræði frá Virginia Commonwealth University; starfaði við Háskólann í Björgvin og H.Í. Hún var yfirmaður rannsókna og þróunar hjá Lyfjaþróun og síðar Actavis. Hún starfar nú sem tæknilegur ráðgjafi fyrir þróunarfyrirtæki í heilsugeiranum.
Margrét Gunnlaugsdóttir lögmaður fjallar um ímynd foreldra og barna í bókmenntun og lögfræði. Hún segist vera með hugann við setninguna í ævisögu Martin Amis Experience: Þegar þú eignast barn, geturðu fyrst fyrirgefið foreldrum þínum.
Margrét lauk lagaprófi frá Háskóla Íslands 1992 og öðlaðist héraðsdómslögmannsréttindi 1998. Hún hefur verið meðeigandi Acta lögmannsstofu frá árinu 2005.
Margrét hefur í störfum sínum m.a. komið að forsjárdeilum foreldra við skilnað, sinnt réttargæslu fyrir þolendur kynferðisbrota og liðsinnt börnum og foreldrum við meðferð mála hjá barnaverndarnefndum.
Guðfríður Lilja Grétarsdóttir alþingiskona talar um fjölskyldur á nýjum nótum.
14.30 Stjórn fyrirspurna úr sal: Sigríður Arnarsdóttir félags- og fjölmiðlafræðingur
14.45 Pallborð III - Umhverfi, náttúra, vitund og veruleiki
Stjórnandi Katrín Júlíusdóttir iðnaðarráðherra. Dr. Kristín Vala Ragnarsdóttir prófessor fjallar um umhverfisvitund; Elísabet Jökulsdóttir rithöfundur talar um náttúruna út frá eigin brjósti; Amal Tamimi fjallar um baráttu innfluttra kvenna í íslensku umhverfi og Linda Vilhjálmsdóttir horfir á íslenskt samfélag í hruni út frá eigin reynslu, "stund sannleikans er runnin upp".
Dr. Kristín Vala Ragnarsdóttir deildarforseti HÍ fjallar um "samvinnufærni kvenna". Hún segir mannkynssöguna sýna að línuleg hugsun karla hefur leitt okkur að eyðingu náttúru og auðlinda. Hugarfarsbreyting nú getur skipt sköpum og eru konur lykill að lausnum vegna þess að þær eru betri vefhugsuðir en karlar og eru líka færari að vinna í teymum en þeir. Út frá þessu sjónarhorni mun Kristín Vala leiða rök að mikilvægi kvenna fyrir mannkyn til að lifa af 21. öldina.
Kristín Vala lærði jaðfræði við Háskóla Íslands. Hún lauk meistara og doktorsprófi í jarðfræði frá Northwestern University í Chicago. Eftir störf við ráðgjöf og rannsóknir í Bandaríkjunum og í Frakklandi flutti hún til Bristol í Englandi, þar sem hún vann við kennslu og rannskóknir í 20 ár. Kristín Vala er prófessor í fagi sem ekki var til þegar hún var við nám – umhverfissjálfbærni. Í lok ársins 2008 flutti hún til Íslands til þess að taka að sér að stýra verkfræði- og náttúruvísindasviði Háskóla Íslands. Rannsóknir hennar og kennsla tengjast sjálfbærnivísindum, en það fag hefur hún fengist við í tíu ár. Kristín Vala er mikill stuðningsmaður kvenna í vísindum og leiðtogastörfum.
Linda Vilhjálmsdóttir skáld og rithöfundur horfir á íslenskt samfélag í hruni út frá eigin reynslu og spyr hvort stund sannleikans sé runnin upp. Í erindi sínu: Með brimið í blóðinu og rokið í höfðinu fjallar hún um rótgróin hegðunarmunstur og hversu erfitt það getur reynst að uppræta þau þrátt fyrir góðan vilja og vaxandi meðvitund.
Amal Tamimi er 6 barna móðir frá Palestínu. Hún kom til Íslands 1995 með fimm barna sinna. Hún lauk námi í félagsfræði frá Háskóla Íslands 2004 og hefur verið öflug í baráttu fyrir mannréttindum kvenna af erlendum uppruna.
"Konur af erlendum uppruna eru að berjast við íslenska karlmenn, íslenskar konur, erlenda karlmenn og þarna í fjórða þrepinu erum við."
Elísabet Jökulsdóttir skáldkona er "tilbúin með atriði, - dans - fyrirlestur. Tekur tíu mínútur í flutningi", eins og hún segir sjálf.
Verkið heitir: Kona sem bíður eftir honum.
"Bið kvenna eftir honum, hinum eina rétta, eða elskhuganum hefur verið úthúðað hin síðari ár, - í þessu verki er biðin hafin til vegs og virðingar."
15.45 Fyrirspurnir & stjórn umræðna: Stjórn Elín Hirst
15.45 Kaffi
16. 15 Pallborð IV - Samstaða og vinátta, samstarf (ekki klíkur)
Stjórnandi: Guðrún Pétursdóttir
Hlín Agnarsdóttir rithöfundur og leikstjóri fjallar um ,,vináttu kvenna".
Hún segir að vinátta kvenna breytist þegar þær þurfa ekki lengur að vera keppinautar um ástir og hylli karlmanna, hvort heldur á hjónabandsmarkaði eða starfsvettvangi. Konur átta sig of seint á því að þær geta ekki án hver annarra verið. Hlín lærði leiklistarfræði og leikstjórn í Stokkhólmi og London. Hún hefur skrifað fjölda leikrita, tvær skáldsögur og eina sjálfsævisögulega bók. Hlín hefur tekið þátt í kvennahreyfingunni á Íslandi allt frá dögum Rauðsokkahreyfingarinnar í byrjun áttunda áratugarins.
Dagný Kristjánsdóttir prófessor mun tala um tilfinningasambönd kvenna í bókmenntum, ekki síst sambönd mæðra og dætra í minningu Fríðu Á Sigurðardóttur (d. 7.5.2010). Spurt er hvort óskýr sálfræðileg mörk milli móður og dóttur hefur áhrif á sambönd þeirra við aðrar konur síðar og hvernig tilfinningabúskap, fantasíum og tengslum kvenna er lýst í bókum um og fyrir konur.
Dagný er prófessor í íslenskum
nútímabókmenntum og verðandi deildarforseti í íslensku- og menningardeild
H.Í. Hún skrifaði doktorsritgerð sína Kona verður til (1996) um Ragnheiði Jónsdóttur og stöðu kvenrithöfunda á eftirstríðsárunum á Íslandi.
Ragnhildur Sverrisdóttir blaðamaðurog almannatengill fjallar um samskipti og vináttu. "Konur sundur og saman" kallar hún erindi sitt.
Elísabet Ronaldsdóttir kvikmyndagerðarkona fjallar um vináttu á vinnustað og áhrif þess að konur eigi sér bakhjarl í öðrum konum í heimi karla - þar sem tengsl og völd vegi þungt á þeirra vogarskálum.
Steinunn Sigurðardóttir rithöfundur um kvennasamstöðu.
- Það er körlum eðlilegt og náttúrlegt að standa saman, þannig hefur það alltaf verið, en hversu eðlilegt er það konum að standa saman? Getur verið að samstaða kvenna eða samstöðuleysi mótist fremur af afstöðunni til karla en afstöðunni til annarra kvenna. Hér á ég við samkeppnina um hylli karla, sem leiðir til afbrýðisemi í sinni frumstæðustu mynd - og ég á líka við ofþroskaðar móður-sonar-tilfinningar, sem leiðir til samstöðu með “elsku drengnum” á kostnað “dótturinnar.”
Fyrirspurna & stjórn umræðna: Helga Jónsdóttir
17.30 Móttaka
* Dagskrá getur tekið breytingum.
Umfjöllun um Tengslanets-ráðstefnuna í fjölmiðlum
Grein eftir Írisi Erlingsdóttur pistlahöfund og fjölmiðlafræðing í Grapewine
Viðtal við Herdísi Þorgeirsdóttur um jafnréttislög og tengslanetið eftir Björgu Magnúsdóttur
Viðtal við Herdísi Þorgeirsdóttur prófessor á pressan.is eftir Mörtu Maríu Jónasdóttur
Herdís Þorgeirsdóttir í Kastljósi, m.a. um Tengslanetið stjórn Brynja Þorgeirsdóttir
Umfjöllun um Barbara Ehrenreich í DV
Umfjöllun um Barbara Ehrenreich á Smugan.is eftir Þóru Kristínu Ásgeirsdóttur
Viðtal við Herdísi Þorgeirsdóttur prófessor í Viðskiptablaðinu 30. maí 2008
Viðtal í Morgunblaðinu 19. apríl 2006 eftir Silju Björk Huldudóttur
Metþáttaka á Tengslaneti 2. júní 2006 Morgunblaðið
Viðtal í Kastljósi við Germaine Greer 31. maí 2006
Kvennaveldi við rætur Grábrókar, Morgunblaðið 3. júní 2004
BB 2. júní 2006
Ályktanir Tengsanets- Völd til kvenna ráðstefnunnar
ÁLYKTUN
TENGSLANET III – VÖLD TIL KVENNA
2010
AÐGERÐIR TIL AÐ VINNA BUG Á FÁTÆKT BARNA
Ráðstefnan Tengslanet V - Völd til kvenna - á Bifröst 27. – 28. Maí 2010 bendir á að fátækt er vaxandi í íslensku samfélagi. Fátækt er þjóðfélagsmein sem bitnar mest á börnum. Tengslanet V - Völd til kvenna skorar á stjórnvöld að grípa þegar til aðgerða til að vernda börn gegn afleiðingum sárrar fátæktar.
ÁLYKTUN
TENGSLANET III – VÖLD TIL KVENNA
2010
Tengslanet V – Völd til kvenna skorar á stjórnvöld að gera fræðslu um mannréttindabaráttu kvenna og samfélagsávinning jafnréttis að skyldunámskeiði í skólum.
ÁLYKTUN
TENGSLANET III – VÖLD TIL KVENNA
2006
LÖG UM JÖFNUN KYNJAHLUTFALLA Í STJÓRNUM FYRIRTÆKJA
Ráðstefnan Tengslanet III - Völd til kvenna - á Bifröst 1. og 2. júní 2006 lýsir yfir nauðsyn þess að sett verði lög sem miða að því að jafna hlut kynjanna í stjórnum skráðra fyrirtækja á Íslandi þannig að hlutur annars kynsins sé ekki undir 40%.
Undanfarin ár hefur tilmælum og ábendingum ítrekað verið beint til eigenda og stjórnenda fyrirtækja án sýnilegs árangurs. Í dag höfum við séð nýjustu tölur um rýran hlut kvenna í stjórnum skráðra félaga í Kauphöll Íslands. Konum hefur fækkað í stjórnum þessara fyrirtækja og eru nú aðeins 4,4% stjórnarmanna. Þetta ástand vegur að jafnrétti kynjanna og er hættumerki í íslensku efnahags- og atvinnulífi sem og samfélaginu öllu.
ÁLYKTUN
TENGSLANET II – VÖLD TIL KVENNA
2005
LAUNALEYND
Hátt í tvö hundruð þátttakendur á ráðstefnunni Tengslanet II: Völd til kvenna – á Bifröst 26. og 27. maí 2005 skora á atvinnurekendur að endurskoða svonefnda launaleynd.
Svonefnd launaleynd er ekki heppileg starfsmannastefna og þjónar hvorki hagsmunum eigenda, stjórnenda né starfsmanna fyrirtækja.
Upplýsingar um laun og kjör á vinnumarkaði auka gegnsæi markaðarins og eru um leið forsenda þess að unnt sé að vinna að sameiginlegu hagsmunamáli allra á vinnumarkaði – að útrýma kynbundum launamun.
Launaleynd gengur gegn markmiðum jafnréttislaga.
ÁLYKTUN
TENGSLANET I – VÖLD TIL KVENNA
2004
KONUR Í STJÓRNIR
Tengslanetsráðstefna kvenna á Bifröst, 2. júní 2004, skorar á stjórnendur íslenskra fyrirtækja að taka þegar til við að leiðrétta rýran hlut kvenna í stjórnum og æðstu stjórnunarstöðum innan fyrirtækjanna.
Konur hafa aflað sér menntunar og reynslu sem atvinnulífið hefur ekki efni á að vannýta með þeim hætti sem nú er gert.
Ráðstefnan mun fylgjast náið með árangri fyrirtækja í átt að jafnri stöðu kynjanna og mun beita sér fyrir því að upplýsingar um árangur einstakra fyrirtækja verði birtar opinberlega að ári, um sama leyti og ráðstefnan kemur saman á ný.