Umsjón:

Ingibjörg Rafnar Pétursdóttir.

Námskeiðslýsing:

Þróun mála á alþjóðavettvangi hefur leitt til þess að stefna Evrópusambandsins í utanríkis- og öryggismálum hefur fengið aukna athygli. Hingað til hefur umfjöllun verið mjög gagnrýnin á tilraunir ESB til þess að móta sameiginlega utanríkisstefnu aðildarríkjanna og almennt talin hafa skilað litlum árangri. Sagt er að aðildarríki ESB séu of ólík og að stofnanir sambandsins hafi ekki náð að hvetja til nægilegs samruna þeirra á milli og málamiðlunar í hagsmunamálum ríkjanna. Annað viðhorf hefur einnig komið fram sem felur í sér að ESB sé smám saman að þróa sérstöðu sína á alþjóðavettvangi, sem grundvallast á aukinni samheldni aðildaríkjanna um grunngildi í utanríkisstefnu. Þetta viðhorf er að miklu leyti byggt á hugmyndum um „soft power“ þar sem grunnstaðlar og -gildi (norms og values) spila stóran þátt. Í kúrsinum verður fjallað um þessar kenningar í samhengi við áhrif ESB á alþjóðavettvangi og  stefnu sambandsins gagnvart öðrum ríkjum (utan ESB) og í mikilvægum deilumálum.

Námsmarkmið:

• Upphaf og þróun sameiginlegrar stefnu ESB í utanríkis- og öryggismálum og helstu samninga.
• Helstu kenningar varðandi hlutverk og stöðu ESB á alþjóðavettvangi.
• Þróun innan ESB og hvernig sú þróun hefur haft áhrif á stöðu sambandsins á alþjóðavettvangi.
• Lykilatriði þeirra vandamála sem sameiginleg utanríkisstefna ESB stendur frammi fyrir í dag gagnvart ýmsum ríkjum og málefnum – sett í samhengi við þær breytingar sem hafa átt sér stað á alþjóðavettvangi á síðustu árum. 
  

Lesefni:

Kynnt í upphafi námskeiðs. 

Forkröfur:

Engir undanfarar.

Lengd:

14 vikur.

Verkefni:

Kynnt í upphafi námskeiðs.

Námsmat:

15 %   Ritgerð, 2000 orð
 

20%    Ritgerð, 2500 orð
 

15%    Þátttaka í umræðum
 

50%    Lokaritgerð, 5000 orð. Skilafrestur tilkynntur síðar

Tungumál kennslu:

Íslenska.