Námskeiðslýsing:
Í námskeiðinu er fjallað um síaukið samstarf Evrópuþjóða og það ríkjakerfi sem þróast hefur frá endalokum heimstyrjaldarinnar síðari. Fjallað er um helstu kenningar, svo sem nývirknihyggju, milliríkjahyggju, frjálslynda milliríkjahyggja, mótunarhyggju og síð-formgerðarhyggju. Farið er í gegnum sögu, tilurð og þróun Evrópusambandsins frá upphafi og fram á okkar daga. Nemendur munu þræða sig eftir flóknum vef samstarfs Evrópuríkja í gegnum sáttmála ESB, stefnumál og stofnanir. Þá verður leitast við að greina afstöðu Norðurlandaþjóðanna í ljósi ólíkrar nálgunar þeirra að Evrópusamrunanum. Einnig verður fjallað um einstaka stefnumál á borð við Efnahags- og myntbandalag Evrópu. Að lokum verður farið í stækkun Evrópusambandsins í austur og hugsanleg áhrif hennar til framtíðar.
Efni fyrirlestra
1. Sögulegur bakgrunnur
2. Alþjóðakerfið eftir seinni heimstyrjöld
3. Frá kolum og stáli til efnahagsbandalags Evrópu
4. Frá Einingarlögum til innri markaðar
5. Austurstækkun og framtíðarþróun
6. Stjórnarskráin og Lisabon-sáttmálinn
7. Stofnanir, uppbygging og ákvarðanataka
8. Stefnumál
9. Efnahags- og myntbandalag Evrópu
10. Kenningar um Evrópusamrunann og þróun ESB
|