Í háskólaráði eru málefni háskólasamfélagsins til umfjöllunar og ákvarðanatöku en ráðið fer með stefnumörkun háskólans á sviði kennslu og rannsókna í samráði við kennslu- og rannsóknarráð. Í háskólaráði eru m.a. teknar ákvarðanir um sameiginlega kennslufræði háskólans, gæðamál, málefni er varða samskipti innan háskólasvæðisins almennt eða háskólasamfélagið sem heild. Þá eru kærur vegna úrskurða fagráðs til afgreiðslu og umfjöllunar í háskólaráði sem og úrskurðir og álit siðanefndar og viðurlög vegna brota á siðareglum. Ráðið fjallar auk þess um framkvæmd háskólareglna og viðurlög við brotum á þeim. Háskólaráð fundar að jafnaði mánaðarlega og eru fundargerðir þess birtar á vef skólans á eftirfarandi slóð: http://www.bifrost.is/islenska/um-haskolann/stjornsysla-og-skipulag/fundargerdir/