Fundargerð háskólaráðsfundar miðvikudaginn 27. maí 2009 kl. 15 í Guðmundarstofu.

Ingibjörg Ingvadóttir (f. Elínu Blöndal), Ágúst Einarsson, Bryndís Hlöðversdóttir, Ingibjörg Guðmundsdóttir, Davíð Fjölnir Ármannsson, Guðjón Þór Guðmundson, Alda Baldursdóttir, Kári Joensen, Þórhildur Þórdísardóttir, Bjarni Hafþórsson, Sigrún Hermannsdóttir sem ritaði fundargerð. 

1.         Fundargerð síðasta fundar

Samþykkt,

2.         Skýrslur tveggja opinberra nefnda um háskólamál

Samantekt erlendu skýrslunnar fylgdi með dagskrá fundarins.  Rektor fór yfir meginefni skýrslnanna. Þar er margt lagt til m.a. fækkun háskóla, tillaga um  skóla fyrir doktorsnám á Íslandi, styrking rannsóknarumhverfis auk áherslu á byggðastefnu. Í innlendu skýrslunni er einnig talað um fækkun skóla, jafnræði í fjármögnun skólanna og að breyta háskólunum í sjálfseignarstofnanir. Hugmyndirnar eru róttækar og þarf að taka alvarlega að sögn rektors. Samþykkt að umræða um málið verði tekin á háskólafundinum 3. júní.

3.         Háskólafundur 3. júní nk., frá kl. 12 til 16

Dagskrá fundarins kynnt. Rektor útskýrði refilinn og dreifði. Bryndís gerði grein fyrir innihaldi hans en við erum búin að innleiða mest af þessu í samræmi við Bologna ferlið. Nánar verður farið í refilinn á háskólafundinum. Rektor hvatti nemendur, miðstjórn og alla sem málið varðar að mæta á fundinn sem er opinn öllum.

4.         Bréf miðstjórnar nemenda til skólayfirvalda

Bréfið fylgdi fundargögnum. Rektor lagði bréfið fyrir fundinn og sagði að verið væri að vinna að svörum við þeim spurningum sem þar koma fram og verður haldinn fundur fljótlega um þau svör. Nemendum var hrósað fyrir framtakið og nemendur lýstu ánægju sinni með panelfundinn sem haldinn var og telja slíka fundi skilvirka.

5.         Erindi frá Nemendafélaginu

-          Nemendur vilja efla áhrif sín innan Borgarbyggðar. Rektor hvatti

           fólk til framboðs.

-          Umræða um að  meistaranemum var neitað um  að nota Kringluna

           til matarboðs. Enginn kannaðist við hver bannaði notkunina. Kanna 

           þarf forsögu þess máls betur.

-          Óskað var eftir að Bifróvisjón yrði haldið hér að ári, til að gera 

           fleirum kleift að koma. Áhersla lögð á að svona skemmtanir væru 

           hins vegar ekki haldnar á virkum dögum vegna skólastarfs.

-          Fyrirspurn um hvort fulltrúar nemenda í háskólaráði megi tjá sig

           við miðstjórn um það sem fram færi á fundum. Rektor sagði mál 

            háskólaráðsfunda vera trúnaðarmál en í fundargerðum komi fram 

            niðurstaða funda.

-          Fyrirspurn um hvort ekki væri hægt að taka tillit til skoðana 

           nemenda varðandi stórar breytingar innan skipulags skólans eða 

           skólaumhverfisins. Rektor taldi nemendur hafa tækifæri til að tjá

           sig á viðeigandi vettvangi enda ættu nemendur fulltrúa í flestum 

           nefndum.

-          Fyrirspurn um hvort einfalda megi undanþáguferli t.d. 

           v/verkefnaskila. Kennslustjóri sér um leyfisveitingar og sagði þær 

           vera í samræmi við reglugerð. Námsráðgjafar hafa ekkert með

           undanþágur að gera, kennslustjóri ber einn ábyrgð á meðferð 

           þeirra og framkvæmd. Nemendur töldu að kennarar stjórnuðu 

            þessu sjálfir og samræmis væri ekki gætt. Rektor lagði áherslu á 

            að kennurum væri ekki heimilt að taka slíkar ákvarðanir og að

             kennarar þurfi að fá leiðsögn í rétta átt.

6.         Skólastarfið og húsnæðismál

Rektor tilkynnti breytingar í starfsmannahaldi og gerði grein fyrir að skólinn væri á fjárhagsáætlun.

Mostursmálið ætti að klárast í vikunni. Þýðir lítið að tilkynna um málið þar sem hlutirnir breytast hratt.

Fyrirspurn um umsóknir. Rektor sagði umsóknir misjafnar. Margar umsóknir í viðskiptalögfræði en færri í annað. Sagðist verða var við að fólk tæki seinna við sér í ár en hefur verið.

7.         Tónleikar þennan dag kl. 17

            Rektor hvatti til mætingar.

8.         Önnur mál

-          Minnti á útskriftina 6. júní en 73 nemendur munu útskrifast.

-          Einnig var minnst á tónleika með Stuðmönnum hér 5. júní.

-          Ósk nemenda komið á framfæri um að grilla með börnum í Paradísarlaut. Rektor tók vel í það.

-          Ingibjörg Ingvadóttir vakti athygli á kopartaumum sem leka niður

           Sjónarhólsveggina, hellurnar sem „skreyta“ bílastæðið og sjón- og

           lyktarmengun ruslagámanna.

-          Fjármálastjóri taldi upp úrræði varðandi þessi mál.

-          Fyrirspurn um hvenær lokið verði við veginn. Fjármálastjóri sagði 

           lagfæringu væntanlega og verið er að vinna að lausn þessa máls.

-          Fyrirspurn varðandi hljóðmön og hvort kanna mætti hug fólks

           vegna hljóðmanar meðfram þjóðveginum. Af því hlytist mikið

            öryggi fyrir börn.

-          Fyrirspurn um breytingar á skipulagi með tilliti til næsta hausts.    

           Rektor sagði svo ekki vera en ef slíkt kæmi upp yrði það kynnt og

           rætt.

-          Knattspyrnuskóli kynntur sem og gítarkennsla fyrir börn.

Fundi slitið kl. 16.30.