Deildarfundur viðskiptadeildar
Miðvikudagur 10. febrúar 2010 kl. 11:00

Fundarmenn:
Ásta Dís Óladóttir
Ingibjörg Guðmundsdóttir
Stefán Svavarsson
Jón Freyr Jóhannsson
Kári Joensen
Stefán Kalmansson
Guðmundur Ólafsson
Signý Óskarsdóttir
Guðrún Björg Aðalsteinsdóttir
 
Rætt um matsnefndina sem kemur 16. febrúar og fund sem Bryndís Hlöðversdóttir mun stýra í Kringlu. Búið að setja upp dagskrá fyrir 16. febrúar og ákveðnir aðilar þurfa að hitta matsnefndina. Hvaða gögn þarf að fara yfir. Hver deild – gerður gátlisti yfir gæðakerfi. Á mánudaginn 15. febrúar fá starfsmenn þennan gátlista.

Dagskrá:

Fundagerð síðasta fundar

1. Breytingar varðandi lokaritgerðir.  Reglur og dagsetningar, setja inn skilafresti til nemenda.
Ásta Dís talar um stuttan tíma frá skilum til útskriftar. Hugmynd um hvort setja eigi upp tímaferli (dagssetningar) til að koma í veg fyrir að nemendur séu að skrifa ritgerð á síðustu vikunum fyrir skil. Jón Freyr kemur með hugmynd um að lokadrög ritgerðar verði að vera tilbúin mánuði fyrir lokaskil en þannig getur kennari gert athugasemdir og nemendur hafa tíma til að gera endurbætur. Guðmundur spyr hvort einhver fylgist með – leiðbeinandi eða annar? Fínt að hafa reglur en þá verður einhver að fylgjast með. Jón Freyr vill hafa skýr mörk um hvenær á að skila. Erum með umsjónarmann BS ritgerða og kennarar geta sent staðfestingu á hann um að milliskil hafi skilað sér. Hluti af gæðamálum skólans að ferlið sé vel skilgreint. Herða þarf reglur varðandi meistararitgerðir einnig. Ferlið er til og allir aðilar þurfa að fara eftir því (mætti gera ferlið skýrara og bæta það). Vantar umsjónarmann meistararitgerða.
Guðmundur hittir nemendur og spjallar við nemandann – fer yfir áætlunina og hvað hann ætlar sér. Reglur sem ekki er fylgt eftir eru verri en engar reglur. Jón Freyr talar um að setja þurfi upp skema sem kemur í veg fyrir að nemendur renni á rassinn í ritgerðarskrifum á lokametrunum. Nokkrar ritgerðir í síðustu skilum sem hefðu getað verið mun betri.
Ákveðið að setja upp skema fyrir næsta skólaár til prufu. Kennari getur fram að því nýtt sér þennan ramma í samráði við kennara.
Stefán Svavarsson talar um hver aðkoma leiðbeinandans þarf eða á að vera. Slæmt fyrir leiðbeinendur að hafa nafn sitt á ritgerð sem er villufull. Stefán Kalmans vil meina að BS ritgerðir séu ekki eins mikilvægar og meistararitgerðir.
Signý talar um að varðandi tímaáætlun að í rannsóknaráætlun er tímaáætlun sem nemandi setur upp. Nemandinn getur þar af leiðandi nýtt sér skemað til að gera sína tímaáætlun.
Hægt er að setja upp samskiptareglur við nemendur. Nemandi hefur rétt á að skila án samráðs við kennara en kennari getur fellt ritgerð.
Stefán talar um að mögulega eigi að setja sem reglu í BS ritgerðir að nemendur megi ekki skila nema með samþykki leiðbeinanda.
Guðmundur Ólafsson – ef um mjög góðar ritgerðir eða mjög slæmar þá þurfi að kalla til einhvern aðila til að skoða málið.

2. Hugmyndir að sameiningu og breytingu á Aðferðafræði, tölfræði og upplýsingatækni
Jón Freyr leggur fram tillögu um breytingar á „þjónustunámskeiðum“ í viðskiptadeild.
Ákveðinn ókostur að námskeiðin séu kennd í sitthvoru lagi. Mögulega hægt að kenna kúrs sem héti „Aðferðir og tækni“ þar sem nemendur læra t.d. heimildaskráningu - bæði að skrá heimildir rétt og nýta sér tæknina til að skrá heimildirnar. Talað um atriði sem kennd eru í upplýsingatækni á fyrsta ári sem nemendur nýta sér ekki fyrr en á fjórða ári. Ákveðnir hlutir sem þarf að pússa til og samræma
Signý talar um vandamál sem geta fæðst í kringum þetta svo sem einingafjöldi. Aðferðafræðin er núna kennd á 2 vikum sem er knappur tími til að kenna þetta efni á.
Jón Freyr talar um að fyrst væri tekinn 4ra eininga kúrs en seinna komi inn annar hluti sem gefur einingar t.d. aðferðir og tækni 1 og aðferðir og tækni 2. Inga spyr hvað kúrsinn eigi að heita því þetta skipti máli uppá að nemendur geti sýnt fram á að þeir hafi lokið t.d. tölfræði, upplýsingatækni. o.s.frv. Talað einnig um að flétta ákveðin atriði inní kúrsa.
Kennslulýsingar fylgja kúrsum sem segja til um hvað er kennt.
Stefán Sv. talar um að hugsanlega sé ekki best að kenna ákveðin tækniatriði í byrjun heldur betra að taka þau fyrir í upphafi kúrsa. Fólk útí atvinnulífinu kvarta yfir því að starfsfólk sem kemur úr skólunum kunni ekki að vinna með kerfin.
Hugmynd sem kæmi í veg fyrir að breyta þyrfti svona miklu. Signý og Kári – Signý kenni ákveðna hluti en Kári taki svo við og kenni aðra hluti sem tengjast þó. Sé samtenging milli kúrsa og samvinna kennara.
Kári er að kenna fræðin (tölfræðina) og hann vill ekki lenda í því að vera að kenna í skorpum.
Inga stingur uppá að aðferðafræðin verði kennd sem sér 6 eininga fag, upplýsingatækni sem annað fag á haustönn og svo tölfræðin á vorönninni.
Guðmundur spyr hvort leggja eigi niður tölfræði sem fræðigrein – ....
Ásta Dís leggur til að einhver samfella verði þróuð inní þessa 3 kúrsa. Mikil verkefnavinna og of lítil áhersla lögð á aðferðafræði.
Hægt að bjóða uppá valfög t.d. í upplýsingatækni seinna í náminu (informatics). Ekki halda of mikið í hendur á nemendum heldur passa að ekki sé ósamræmi á milli námskeiða.
Jón Freyr spyr hvort í lagi sé að haldið sé áfram að kasta á milli og koma með hugmyndir um hvað sé hægt að gera. Kári sammála um að samtvinna megi þessi fög – þessi nálgun kannski ekki góð – ætlum við að hætta fræðum – eitthvað sem þarf að útfæra betur.
Signý – 3 fög sem eru 6 ein hvert – kennd á sömu önn og hafa verkefni sem samtvinnast og hægt að nýta á önninni – samlegð á milli.
Guðmundur talar um að stærðfræðidæmin séu öll í tengslum við önnur fög svo sem rekstrarhagfræði.
Inga – sér fyrir sér upplýsingatækni og aðferðafræði á önn 1 og tölfræði og stærðfræði á önn 2 – eðlilegri samfella. Ræða þetta atriði betur á næsta fundi.

3. Missóverkefni tekin aftur upp í fjarnámi
Af hverju var hætt með missó í fjarnámi? Þetta voru tvö verkefni áður (á vorönnum) – þetta var erfitt í framkvæmd. Í stað missó voru sett inn þrjú 8 eininga fög sem áttu að koma í stað misserisverkefna. Þessi fög hafa ekki nægilega komið á móti missó. Verkefnavinnan ekki að koma í stað verkefna. Þetta áttu að vera ritgerðarkúrsar og vinnuhelgar nýtast í varnir en raunin hefur ekki orðið sú. Nemendur sakna misserisverkefna. Rökin fyrir að fella missó voru að nemendur erlendis gætu ekki komið og varið ritgerðir. Tækninni hefur þó farið fram. Fundarmenn almennt sammála um taka ætti upp misserisverkefni í fjarnámi að nýju. Setja upp sama fjölda misserisverkefna í fjarnámi – samræma gráðuna við staðnámið.
Guðmundur segir að verkefnin hafi farið í handaskol – erfitt að halda utan um – flest verkefnin léleg. Þess vegna þessu hætt. Inga ósammála – starfsmenn skólans hafi ekki nennt að hafa fyrir þessu. Eðlilegt að nemendur falli á misserisverkefnum.
Misserisverkefni byrja á haustönn 2010. Spurning hvort nýnemar eigi að byrja í þessu kerfi eða hvort eldri nemendur eigi líka að taka misserisverkefni.
Ekki rætt á fundi en bendi á að skoða þarf BS í viðskiptafræði með áherslu á markaðssamskipti – lítið um valfög þar – komum við misserisverkefnum fyrir þar.

4. Breyta fyrirkomulaginu í fjarnáminu ath. möguleika (t.d á vor + sumarlotu) - lengja ákveðin fög!
Verið að tala um fög svo sem stjórnunarbókhald, reikningshald o.fl. Hvað er hægt að gera í þessu til að rugla ekki öllu skipulaginu. Spurning hvort hægt væri að hafa þetta 6 vikna vorannir og 8 vikna sumarannir.
Stefán spyr hvort hægt sé að hafa það þannig að reikningshald 2 og stjórnunarbókhald sé kennt samhliða í 12 vikur.
Spurning um hversu mikið vinnuálag eru í hverjum kúrsi.
Taka frekar 2 kúrsa samhliða í 12 vikur en ekki 1 fag í 6 vikur. Atriði sem þarf að hugsa í heildarskipulaginu.
Hvaða fög þurfa lengri tíma? Reikningsfög? Ásta Dís talar um að betra sé að kenna kjaftafög á styttri tíma. Nemendur ná ekki að meðtaka reikningsfögin á 6 vikum (5 vikum).
Stærsti hluti fólks sem er í fjarnáminu er hér vegna skipulagsins.
Ásta Dís talar um hvort við eigum ekki að skoða hvaða fög verði kennd á 6 vikum og hvaða fög á 12 vikum og setja upp skema sem yrði rætt á næsta fundi.
Tækifæri til að stokka upp aðferðafræðina í leiðinni ásamt upplýsingatækninni.
Stefáni þykir skipti miklu máli að nemendur taki reikningshald á undan fjármálum.
Kári talar um að tölfræðin gangi upp á 6 vikum en 12 vikur væri betra. Efni sem þarf að síast inn.
Ásta Dís – nú þarf að setja þetta upp og skoða hvernig þetta raðast inní skipulagið. Taka upp á næsta deildarfundi.

5. Sameiginlegt val á fyrirtækjum til að skoða í grunnnámi og meistaranámi (velja 2-3 ft, sem t.d 4 kúrsar nota)
Hugmynd – eigum við að byggja upp gagnagrunn fyrir kennara með að velja ákveðin fyrirtæki og skoða og greina útfrá ákveðnum þáttum. Skoða frá mismunandi hliðum – safna í grunn – gegnumlýsa fyrirtæki. Komast dýpra í hvert fyrirtæki. Spurning um að prófa. Stefán Sv. talar um langlundargeð sem fyrirtæki sýna nemendum. Margir búnir að fá uppí kok. Fyrirtækin sem voru valin eru Marel og Össur – öll gögn á heimasíðunni – búa til case study. Ekki verið að fara inní fyrirtækin og tala við stjórnendur en að kunna að nota ársreikningana og útgefin gögn. Jón Freyr tala um case sem hann hefur komið að – hann hefur áhuga á að halda utan um gögn og case hér á Bifröst.

6. Önnur mál
Guðmundur Ólafsson  - spurning – val í kúrsa? Blað með valkúrsum á sumarlotum nemendur völdu helst alþjóðaviðskipti, verðmat og viðskiptahugmyndir. Stefán K. – á nemandi á fyrsta ári að geta tekið verðmat fyrirtæki – nei. Meira fag fyrir lengra komna nemendur. Vinna sem þarf að halda áfram með. Gott að vita með góðum fyrirvara hver niðurstaðan er uppá hvað verður kennt á sumarlotu.

Guðrún Björg – ekki náðist að fara yfir meira. En nauðsynlegt að ræða vinnuhelgar og fleira varðandi fjarnema.

Fundi slitið 12:40.