Ræðukeppni var haldin í Hriflu, hátíðarsal Háskólans á Bifröst. Þátttakendur voru nemendur í lagadeild og viðskiptadeild skólans. Umræðuefnið var: "Að fara eða vera. Er grasið grænna hinum megin?" Sigurvegari varð viðskiptafræðineminn Friðrik P. Friðriksson en í öðru sæti Þorbjörg Gísladóttir. Keppnin heppnaðist vel og hefur verið ákveðið að hún verði árlegur viðburður á Bifröst héðan í frá. Keppnin var lokapunktur í átta vikna námskeiði sem nefndist “Framsækni til framtíðar.” Þar þjálfaði fjölmiðlakonan Sigríður Arnardóttir (Sirrý) nemendur í samskiptafærni, ræðumennsku og fjölmiðlaframkomu. Í gegnum árin hafa mörg “félagsmálatröllin” útskrifast frá Bifröst. Margir Bifrestingar hafa látið að sér kveða í þjóðfélagsumræðunni, stjórnmálum og fyrirtækjarekstri. Keppnin og námskeiðið var liður í að halda í þá hefð.

Til mikils var að vinna því sigurvegari fékk m.a. gistingu og kvöldverð á Hótel Holti í sigurlaun. Vinningurinn var vel við hæfi þar sem flestir keppendur voru á því að grasið væri ekki grænna hinum megin og niðurstaða nemenda var að ungt fólk ætti að taka afstöðu með Íslandi, standa saman og ganga í verkin hér á landi.

Senda á Facebook