Fjórða ráðstefnan um íslenska þjóðfélagsfræði verður haldin í Háskólanum á Bifröst 7.-8. maí næstkomandi, en hún hefur áður verið haldin í Háskólanum á Akureyri og Háskólanum á Hólum.
Ráðstefnan verður fjölbreytt að vanda með framlögum félagsfræðinga, mannfræðinga, stjórnmálafræðinga, heimspekinga, lögfræðinga, viðskiptafræð-inga, og sagnfræðinga auk fræðimanna á tengdum sviðum. Ráðstefnunni er ætlað að skapa fræðilegan og faglegan umræðuvettvang um þjóðfélagsfræði í víðum skilningi. Þar gefst tækifæri til að kynna rannsóknir og koma þeim á framfæri og taka þátt í umræðum um það sem efst er á baugi hérlendis á sviði þjóðfélagsfræða.
Fyrir hönd Bifrastar er umsjón ráðstefnunnar í höndum:
· Evu Heiðu Önnudóttur, aðjúnkts við félagsvísindadeild Háskólans á Bifröst (evaheida@bifrost.is)
· Jóns Ólafssonar, prófessors og forseta félagsvísindadeildar Háskólans á Bifröst (jonolafs@bifrost.is)
Meðal efnis á ráðstefnunni má nefna:
- Siðferði í opinberu lífi Málefni innflytjenda
- Íslensk og alþjóðleg menning Stjórnmál og stjórnkerfi
- Menningarfræði Menningarstjórnun
- Lýðræði Ferðamál
- Kynjafræði Fjölmiðlar og samfélag
- Jafnréttismál Niðurstöður rannsóknarnefndarinnar
- Stjórnun Háskóli og samfélag
Fyrirlestrar
Þeir sem hafa hug á að taka þátt í ráðstefnunni eru vinsamlega beðnir að skrá sig fyrir 22. mars næstkomandi hér neðar á síðunni.
Þátttakendur sem óska eftir að flytja fyrirlestur þurfa þá jafnframt að gefa upp titil fyrirlestrar síns ásamt stuttri lýsingu á efni hans. Stefnt er að því að ljúka skipulagningu ráðstefnunnar og skiptingu í málstofur í lok mars. Öll efni sem flokka má undir þjóðfélagsfræði í víðum skilningi koma til greina, og skipt verður í málstofur eftir efnum fyrirlestra.
– Drög að dagskrá –
Föstudagur 7. maí
11.30 Skráning
12.00 Hádegisverður
13.00-14.00 Plenumfyrirlestur 1
14.00-17.00 Málstofur
17.30 Gönguferð
19.00 Kvöldverður
Laugardagur 8. maí
9.00-12.00 Málstofur
12.00-13.00 Hádegisverður
13.00-14.00 Plenumfyrirlestur 2
14.00-17.00 Málstofur
17.00 Ráðstefnuslit
Þátttökugjöld og gistimöguleikar
Þátttakendur greiða 7000 kr. fyrir þátttöku í ráðstefnunni báða daga, 3000 fyrir fyrri daginn en 4000 fyrir seinni daginn. Hádegismatur og kaffi er innifalið í þátttökugjaldi. Auk þess er boðið upp á gistingu á Bifröst meðan húsrúm leyfir og sameiginlegan kvöldverð föstudaginn 7. maí. Til að bóka gistingu og kvöldverð hakið í viðeigandi reiti á skráningarforminu hér að neðan. Gert er ráð fyrir að gengið verði frá ráðstefnugjaldi og greiðslu fyrir gistingu á Bifröst við komuna á ráðstefnuna.
Aðrir gistimöguleikar:
Mörg hótel og gistihús eru starfrækt í nágrenni Bifrastar og því ættu ekki að vera vandræði að finna gistingu jafnvel þótt allt fyllist á Bifröst. Þátttakendur eru þó hvattir til að tryggja sér gistipláss eins snemma og mögulegt er. Hér að neðan má sjá lista yfir gistimöguleika í nágrenni Bifrastar. Ráðstefnugestir verða að sjálfir að sjá um að hafa samband við hótelin til að bóka gistingu.
Hraunsnef sveitahótel.Það tekur um það bil 10 mínútur að keyra á mill Hraunsnefs og Bifrastar. Upplýsingar um verð er að finna á heimasíðu Hraunsnefs.
www.hraunsnef.is
Símanúmer: 435 0111
Hvítibærinn Hamri – með tilboð fyrir ráðstefnugesti.Það tekur um það bil 10-15 mínútur að keyra á milli Hvítabæjarins og Bifrastar. Gisting í uppbúnu rúmi er 6.000 krónur á mann, morgunmatur 1.200 krónur á mann.
Tilboðspakki fyrir tvo 7-9 maí:
Komutími: föstudagur, brottför sunnudagur. Innifalið: Gisting í tvær nætur í uppábúnum rúmum (hægt er að fá fjölskylduherbergi þá bætist við upphæðina), morgunmatur, tveggja rétta kvöldverður á laugardeginum og morgunmatur á sunnudegi fyrir samtals 21.430 krónur.
www.hvitibaerinn.is
Símanúmer: 437 2000 / 862 2655
Hótel Hamar – með tilboð fyrir ráðstefnugesti. Það tekur um það bil 20 mínútur að keyra á milli Hótel Hamars og Bifrastar.
Tveggja manna herbergi: 6.500 krónur á mann með morgunverði.
Eins manns herbergi: 10.650 krónur með morgunverði
www.hotelhamar.is
Símanúmer: 433 6600