Föstudaginn 5. febrúar heiðruðu leikskólabörn frá Hraunborg okkur í Háskólanum á Bifröst með nærveru sinni.
Tilefnið var opnun listsýningar í andyri háskólans.Börnin komu í skrúðgöngu í fylgd leikskólakennara frá leikskólanum. Ágúst Einarsson, rektor, bauð hópinn velkominn en margt var um manninn þar sem foreldrar, nemendur og starfsfólk létu sig ekki vanta á opnunina. Börnin sungu þrjú lög og fengu meira að segja viðstadda til að syngja með sér. Öllum var boðið upp á hressingu áður en þau héldu tilbaka.Það verður sannarlega ánægjulegt að fá að njóta listaverkanna næstu vikurnar enda fátt sem gleður augað jafnmikiðog barnateikningar.