23. maí 2009
Útskrift úr Mætti kvenna
 |
| Útskriftarhópur í maí 2009 |
Laugardaginn 23. maí var útskrifað úr Mætti kvenna. Athöfnin hófst klukkan 13.30 í Hriflu.
Háskólinn á Bifröst hefur um árabil boðið upp á rekstrarnám í fjarnámi fyrir konur sem hafa áhuga á að bæta rekstrarþekkingu sína, Mátt kvenna I og framhaldsnámskeiðið Mátt kvenna II.
Markmiðið með námskeiðunum er að gera konur í atvinnurekstri hæfari til að reka fyrirtæki sín, auka arðsemi fyrirtækja, efla atvinnulíf á landsbyggðinni á þeim sviðum sem líklegust eru til að stuðla að vexti og uppbyggingu, skapa fleiri störf á landsbyggðinni og efla tengslanet kvenna.
Alls hafa hátt í 400 konur lokið námi í Mætti kvenna.
Fjöldi þeirra sem útskrifuðust að þessu sinni eru 28 nemendur úr Mætti kvenna I og 9 úr Mætti kvenna II.
Nám þeirra hófst með vinnuhelgi dagana 27. og 28. febrúar síðastliðinn og því lauk með því að konurnar gengu á Hraunsnefsöxl í Norðurárdal í miklu blíðvirði þann 22.maí.
Í haust hefst nýtt námskeið í Mætti kvenna I og Máttur kvenna II verður haldið á vorönn 2010. Byrjað er að taka við umsóknum.
Umsjónarmaður símenntunar við Háskólann á Bifröst er Geirlaug Jóhannsdóttir.