22. maí 2009

Menntamálaráðherra heimsækir Bifröst

Katrín Jakobsdóttir, menntamálaráðherra

Katrín Jakobsdóttir, menntamálaráðherra, heimsækir Bifröst föstudaginn 22. maí. Von er á ráðherra í háskólaþorpið um hálfþrjúleytið. Katrín mun skoða svæðið, fara í kennslustund og ræða við nemendur og kennara.

 

Katrín hefur meistarapróf í íslenskum bókmenntum frá Háskóla Íslands.  Hún varð þingmaður Vinstri hreyfingarinnar - græns framboðs í norðurkjördæmi Reykjavíkur árið 2007 en áður hafði hún meðal annars starfað við kennslu, útgáfustörf og dagskrárgerð.

 

Katrín tók sæti í ríkisstjórn Samfylkingar og Vinstri grænna árið 2009. Það er Bifrestingum heiður að fá ráðherra mennta- og menningarmála í heimsókn.