9. maí 2009

Dr. Marina Papanastassiou ráðin prófessor við viðskiptadeild Háskólans á Bifröst.

Marina Papanastassiou útskrifaðist með doktorsgráðu í alþjóðaviðskiptum frá Reading University árið 1995.  Marina gegnir stöðu prófessors við American College of Greece og stöðu rannsóknarprófessors við Department of Economics and International Business við Viðskiptaháskólann í Kaupmannahöfn.   Undanfarin ár hefur Marina einnig stundað rannsóknir við East Mediterranean Center for International Business and Culture, College of Management í Ísrael og við Cambridge háskóla ásamt því að vinna ýmis ráðgjafarstörf fyrir stjórnvöld m.a í Grikklandi.  Dr. Marina Papanastassiou hefur skrifað fjölmargar greinar í virt ritrýnd tímarit, bókakafla og bækur um alþjóðleg viðskipti og lagt sérstaka áherslu á vaxandi hagkerfi undanfarin ár. Hún hefur einnig verið ritrýnir við fjölmörg erlend tímarit. 

Það er mikill fengur að fá Dr. Marinu Papanastassiou til liðs við Háskólann á Bifröst en hún mun m.a kenna í meistaranáminu og  stunda rannsóknir við skólann.