Miðvikudaginn 13. maí frá klukkan 12.30 til 16.00 verður haldin ráðstefna á Bifröst helguð rannsóknastarfi við skólann. Frummælendur úr viðskipta-, laga- og félagsvísindadeild gera grein fyrir rannsóknarviðfangsefnum sínum og leggja áherslu á aðferðir og samstarf á milli greina sem stundaðar eru á Bifröst.
Lögð verður áhersla á að skapa umræður um ólíkar nálganir á fjölbreytilegum fræðasviðum og ræða hvernig aðferðir hinna ólíku nálgana virka. Þá verður velt upp hugmyndum um samvinnu á milli ólíkra greina og þeim vandamálum og möguleikum sem skapast við samstarf.
Tilgangurinn með ráðstefnunni er að vekja athygli á rannsóknum við Háskólann á Bifröst og efla umræðu á milli fræðasviða um stöðu og framtíð rannsókna við skólann.
Allir eru velkomnir og nemendur eru sérstaklega hvattir til þess að mæta.
Dagskrá:
12.30 Ágúst Einarsson, rektor setur ráðstefnuna
12.35 Elín Blöndal, prófessor við lagadeild :
Þverfagleg verkefni Rannsóknaseturs vinnuréttar: Kynjajafnrétti, samfélagsleg ábyrgð og Jafnréttiskennitalan
13.00 Bryndís Hlöðversdóttir, forseti lagadeildar:
Eftirlitshlutverk þjóðþinga: Lagaumgjörð og framkvæmd á Íslandi, í Danmörku, Noregi og Svíþjóð
13.25 Ásta Dís Óladóttir, forseti viðskiptadeildar:
Fjölbreytileiki stjórna, hefur slíkt nokkur áhrif?
13.50 Jón Ólafsson, forseti félagsvísindadeildar:
Hvað er sannleikur?
14.15 Kaffi
14.30 Ingibjörg Þorsteinsdóttir, dósent í lagadeild:
Af hreinni lögfræði og óhreinni
14.55 Eiríkur Bergmann Einarsson, dósent í félagsvísindadeild
Sjálfstæðisbaráttan eilífa: Áhrif þjóðernishugmynda á utanríkisstefnu Íslands
15.20 Einar Svansson, aðjúnkt í viðskiptadeild:
Orðræðugreining með tölfræði
15.45 Njörður Sigurjónsson, lektor í félagsvísindadeild:
Hvaðan koma hugmyndir um rannsóknir í Norðurárdal?
16.00 Dagskrárlok
Ráðstefnan verður haldin í Hriflu, miðvikudaginn 13. maí 2009 frá klukkan 12.30 til 16.00 og fundarstjóri er Njörður Sigurjónsson lektor í félagsvísindadeild.